بھارتی ریاست آسام میں مسلمانوں پر بہیمانہ مظالم کے خلاف پاکستان کا شدید ردعمل

?️ 25 ستمبر 2021

اسلام آباد (سچ خبریں) بھارتی ریاست آسام میں مسلمانوں پر بہیمانہ  مظالم کے خلاف پاکستان نے شدید ردعمل کا اظہار کرتے ہوئے کہا ہے کہ بھارت میں  مسلمانوں کےخلاف وحشیانہ بےدخلی مہم کاآغازتشویشناک ہے دفتر خارجہ نے کہا کہ بھارتی ریاست آسام میں مسلمانوں کو نشانہ بنانے پر سخت تشویش ہے۔۔

تفصیلات کے مطابق بھارتی ریاست آسام میں مسلمانوں پروحشیانہ تشدد پر پاکستان میں متعین بھارتی ناظم الامور کو دفترخارجہ طلب کر کے آسام میں مسلمانوں پرتشدد پر احتجاج کیا گیا۔دفترخارجہ نے کہا بھارتی ریاست آسام میں مسلمانوں کونشانہ بنانےپرتشویش ہے اور مسلمانوں کےخلاف وحشیانہ بےدخلی مہم کا آغاز تشویشناک ہے۔

ترجمان کا کہنا تھا کہ پولیس کے ہاتھوں غیر مسلح شخص کو قتل کیا گیا اور بعد ازاں سیکیورٹی فورسز کی موجودگی میں متعدد افراد نے لاش کی بے حرمتی کی، نہتے شخص کے قتل اور لاش کی بے حرمتی کی ویڈیو ناقابل یقین حد تک دھچکا ہے۔

دوسری جانب ترجمان دفتر خارجہ نے مقبوضہ کشمیر میں مزید 3 کشمیریوں کے ماورائے عدالت قتل پر شدید مذمت کرتے ہوئے کہا یہ مقبوضہ کشمیر میں بھارتی ریاستی دہشت گردی کی تازه مثال ہے۔ بھارت یہ جان لے کہ وہ ریاستی ظلم و جبر سے کشمیریوں کے حوصلے پست نہیں کر سکتا۔