جنوبی کوریا کے وزیر دفاع مستعفی

جنوبی کوریا کے وزیر دفاع مستعفی

?️

سچ خبریں:جنوبی کوریا میں سیاسی بحران کے بعد اس ملک کے وزیر دفاع نے عوام سے معذرت کرتے ہوئے استعفیٰ دے دیا۔

یونہاپ نیوز ایجنسی کی رپورٹ کے مطابق، جنوبی کوریا کے وزیر دفاع کیم یونگ ہیون نے ملک میں ایمرجنسی مارشل لاء اعلان میں حصہ لینے کی وجہ سے عوام سے معذرت کرتے ہوئے استعفیٰ دینے کا اعلان کیا۔

جنوبی کوریا میں اچانک سیاسی بحران کے درمیان، اس ملک کی کابینہ نے وزیر اعظم ہان دوک سو کے سامنے اجتماعی استعفے کی پیشکش کی ہے۔

یہ بھی پڑھیں: جنوبی کوریا میں سام سنگ کے ہزاروں کارکنوں کی ہڑتال

یہ فیصلہ جنوبی کوریا کی حکومت کے اس دوران جاری کوششوں کے بیچ میں کیا گیا ہے، جو ملک میں ایک شب میں آنے والے سیاسی بحران کے ردعمل میں مناسب اقدامات لینے کی کوششیں کر رہی ہے۔

یونہاپ خبر رساں ایجنسی کے مطابق، جنوبی کوریا کے وزیر اعظم نے آخری لمحے تک خدمت کرنے کے عزم کا اظہار کیا ہے۔

چوسن ایلبو کے مطابق، جنوبی کوریا کے وزیر اعظم نے بدھ کو حکمراں جماعت پاور پیپلز پارٹی کے رہنماؤں اور صدر یون سوک یول کے سینئر مشیروں سے ملاقات کا ارادہ کیا ہے۔

دریں اثنا، حکام نے مالیاتی منڈیوں پر سیاسی بحران کے اثرات کو کنٹرول کرنے کے لیے منصوبے تیار کیے ہیں۔

جنوبی کوریا کے صدر نے اپوزیشن پر "حکومت مخالف سرگرمیوں” کا الزام عائد کرتے ہوئے ایمرجنسی مارشل لاء کا حکم دیا۔ کچھ گھنٹوں بعد، 190 ارکان پارلیمنٹ جنہیں قومی اسمبلی کی عمارت تک رسائی حاصل تھی، نے متفقہ طور پر مارشل لاء کے خاتمے کے لیے ووٹ دیا۔

تاہم، جنوبی کوریا کی فوج نے کہا کہ مارشل لاء صدر کے حکم تک نافذ رہے گا۔

جنوبی کوریا کی سب سے بڑی اپوزیشن پارٹی کے رہنما لی جے میونگ نے مارشل لاء کے فرمان کو "آئین کے خلاف” قرار دیا اور فوج اور پولیس سے کہا کہ وہ اپنی معمول کی سرگرمیاں دوبارہ شروع کریں۔

مزید پڑھیں: جنوبی کوریا کی شمالی کوریا کو وراننگ

جنوبی کوریا میں بدامنی اور افراتفری اس وقت پیدا ہوئی جب گزشتہ ہفتے ڈیموکریٹک پارٹی نے جنوبی کوریا کے صدر کے 2025 کے بجٹ بل کو مسترد کرتے ہوئے یون سوک یول کی بیوی اور حکومت کے کچھ اعلیٰ عہدیداروں کے ساتھ جڑے متعدد بدعنوانی کے معاملات کی تحقیقات کا مطالبہ کیا۔

مشہور خبریں۔

پیغمبر اکرم ؐکے بارے میں روسی صدر کا بیان؛عالم اسلام کا خیر مقدم

?️ 26 دسمبر 2021سچ خبریں:روس کے صدر کی جانب سے پیغمبر اسلام کی شان میں

امریکہ میں روس دہشت گردوں کا سر پرست

?️ 15 ستمبر 2022سچ خبریں:   امریکی ڈیموکریٹک اور ریپبلکن سینیٹرز نے بدھ کے روز ایک

ہنٹر بائیڈن کے لیے عام معافی؛ امریکہ میں عدالتی بدعنوانی کی ایک قدیمی روایت

?️ 3 دسمبر 2024سچ خبریں: امریکی صدر جو بائیڈن نے اتوار کو اپنے صدارتی اختیارات

ایران کے ساتھ جنگ نے امریکی فوج کی کمزوریاں بے نقاب کر دیں: نیویارک ٹائمز

?️ 8 اکتوبر 2026سچ خبریں:نیویارک ٹائمز کے مطابق ایران کے ساتھ جنگ نے امریکی فوج

اسرائیل نے ابراہیمی مزار کا انتظام فلسطینیوں کے اوقاف سے لے لیا

?️ 27 فروری 2025سچ خبریں: فلسطینی ذرائع نے اطلاع دی ہے کہ اسرائیلی حکومت نے

پاکستان کے کن شہروں میں کوورنا وائرس تیزی سے بڑھ رہا ہے

?️ 15 مارچ 2021اسلام آباد(سچ خبریں) پاکستان میں کورونا وائرس کی تیسری لہر سے سب

میرے خلاف تحریک عدم اعتماد لانے والے اپنا شوق پورا کرلیں۔ سردار ایاز صادق

?️ 19 مئی 2025اسلام آباد (سچ خبریں) سپیکر قومی اسمبلی سردار ایاز صادق نے کہا

جنگ کی سلطنت؛ 250 سالہ امریکی فوجی مداخلت کا جائزہ

?️ 8 جولائی 2026سچ خبریں:250 سالہ امریکی تاریخ میں جنگ اور فوجی مداخلت کا جائزہ،

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے