بشری ٰبی بی کے کارناموں کے چرچے عالمی میڈیا پر ہورہے ہیں۔ عظمی بخاری

?️ 15 نومبر 2025

لاہور (سچ خبریں) عظمی بخاری کا کہنا ہے کہ بشری بی بی کے کارناموں کے چرچے عالمی میڈیا پر ہورہے ہیں۔

وزیر اطلا عات پنجاب عظمیٰ بخاری نے عالمی جریدے کی بشری ٰبی بی سے متعلق رپورٹ پر ردعمل دیتے ہوئے کہا کہ بشری بی بی کے بارے میں رپورٹ 100فیصد درست ہے۔

عظمیٰ بخاری نے کہا کہ بانی پی ٹی آئی کے بعد بشری بی بی کے کارناموں کے چرچے عالمی میڈیا پر ہورہے ہیں، 4 سال تک بانی پی ٹی آئی کو بیوقوف بنایا جاتا رہا۔

وزیر اطلا عات پنجاب عظمی بخاری کا کہنا تھا کہ تبدیلی اور کرپشن کے خاتمے کے دعویدار سے حلال کرپشن کروائی گئی، جادو ٹونے سے جعلی پیر خانے چلتے ہیں ملک اور معیشت نہیں۔