ابوظبی پورٹس کے ساتھ انفرااسٹرکچر کے معاہدے، مفاہمتی یادداشتوں پر دستخط

?️

اسلام آباد: (سچ خبریں) پاکستان اور ابوظبی پورٹس گروپ نے ریل، ہوائی اڈے کے انفرااسٹرکچر، میری ٹائم شپنگ اور لاجسٹکس سمیت مختلف شعبوں میں تعاون کو فروغ دینے کے لیے 4 مفاہمتی یادداشتوں پر دستخط کیے ہیں۔

میڈیا رپورٹس  کے مطابق وزیراعظم آفس سے جاری بیان میں کہا گیا کہ مفاہمتی یادداشتوں پر متحدہ عرب امارات کے وزیر مملکت برائے خارجہ تجارت ڈاکٹر ثانی بن احمد الزیودی کی سربراہی میں آئے اعلیٰ سطح کے وفد کے دورے کے دوران دستخط کیے گئے جہاں اس وفد نے وزیراعظم شہباز شریف سے بھی ملاقات کی۔

وزیر اعظم کی موجودگی میں ابوظبی پورٹس گروپ کے ساتھ ایم او یوز کا تبادلہ کیا گیا جس میں میری ٹائم افیئرز، ایوی ایشن اور ریلوے کی وزارتیں اور فیڈرل بورڈ آف ریونیو شامل تھے۔

ان معاہدوں سے دونوں فریقین کو کسٹم، ریل، ہوائی اڈے کے بنیادی ڈھانچے اور میری ٹائم شپنگ اور لاجسٹکس میں ممکنہ تعاون کو تلاش کرنے میں مدد ملے گی۔

ایم او یوز کے تحت پاکستان اور ابوظبی پورٹس گروپ کا مقصد ڈیجیٹل کسٹم کنٹرول کو بہتر بنانا، مال بردار ریل کے لیے وقف کردہ کوریڈور تیار کرنا، پاکستان کے بحری بیڑے اور میرین سروسز کو اپ گریڈ کرنا اور بین الاقوامی ہوائی اڈوں کی سہولیات کو فروغ دینا تھا۔

ملاقات کے دوران وزیر اعظم شہباز شریف نے متحدہ عرب امارات کے صدر شیخ محمد بن زاید اور وزیر اعظم محمد بن راشد المکتوم کا پاکستان کی مستقل حمایت پر شکریہ ادا کیا، پاکستان اور متحدہ عرب امارات کے درمیان مشترکہ تاریخ اور ثقافت پر مبنی دیرینہ تعلقات کو اجاگر کیا۔

ڈاکٹر ثانی بن احمد الزیودی نے پرتپاک استقبال اور مہمان نوازی پر وزیر اعظم کا شکریہ ادا کیا، انہوں نے پاکستان میں اے ڈی پورٹس کی موجودہ سرمایہ کاری پر اطمینان کا اظہار کیا اور جہاز رانی، بندرگاہوں کی کارکردگی میں بہتری، لاجسٹک اور کسٹم ڈیجیٹائزیشن میں شمولیت کو بڑھانے میں بھرپور دلچسپی کا اظہار کیا۔

متحدہ عرب امارات کے وفد میں کاہیل گروپ کے چیئرمین شیخ احمد دلموک المکتوم شامل تھے، ابوظبی پورٹس گروپ کے منیجنگ ڈائریکٹر اور گروپ سی ای او کیپٹن محمد الشمیسی، پاکستان میں متحدہ عرب امارات کے سفیر حماد عبید ابراہیم سالم الزابی اور اے ڈی پورٹس کے سینئر حکام بھی وفد کا حصہ تھے۔

پاکستانی وفد میں نائب وزیراعظم اسحٰق ڈار، وزیر دفاع خواجہ محمد آصف، وزیر تجارت جام کمال خان، وزیر خزانہ محمد اورنگزیب، وزیر بحری امور قیصر احمد شیخ، وزیراعظم کے معاون خصوصی طارق فاطمی اور اعلیٰ سرکاری حکام شامل تھے۔

اس کے علاوہ ایک علیحدہ پیش رفت میں وزیر اعظم شہباز شریف نے ٹیلی کمیونیکیشن کے شعبے کو فروغ دینے کے لیے حکومت کی کوششوں کو اجاگر کرتے ہوئے اگلے تین سالوں میں آئی ٹی برآمدات کو 25 ارب ڈالر کے ہدف تک پہنچانے کے حکومت کے عزم کا اعادہ کیا۔

انہوں نے انفارمیشن ٹیکنالوجی پارک منصوبے پر روشنی ڈالی جس سے ملک کی برآمدات میں نمایاں اضافہ متوقع ہے۔

جمعہ کو ہالینڈ میں قائم وی آن (VEON) گروپ کے چیئرمین اوجی کے فبیلا کی سربراہی میں پانچ رکنی وفد کے ساتھ ایک اور ملاقات کے دوران وزیر اعظم شہباز شریف نے دور دراز علاقوں سمیت ملک بھر میں تیز رفتار کنیکٹیویٹی فراہم کرنے کے لیے ’5 جی‘ انٹرنیٹ سروسز متعارف کرانے کے حکومتی منصوبے پر تبادلہ خیال کیا، انہوں نے مزید کہا کہ فائیو جی سروس حکومت کو ڈیجیٹل پاکستان کے اپنے وژن کو پورا کرنے میں بھی مدد فراہم کرے گی۔

وی آن کے وفد نے معاشی استحکام کے حصول کے لیے حکومت کی کوششوں کو سراہتے ہوئے کہا کہ پاکستان آئی ٹی اور ٹیلی کام کے شعبوں میں سرمایہ کاری کا ایک اہم مقام بن چکا ہے۔

مشہور خبریں۔

سعودی اتحاد کا ترجمان صیہونی فوج کا ترجمان لگتاہے:انصاراللہ

?️ 27 دسمبر 2021سچ خبریں:یمن کی انصار اللہ تحریک کی سیاسی کونسل کے رکن نے

امریکی کسے ووٹ دیں؟ امریکی میگزین کا مشورہ

?️ 28 دسمبر 2023سچ خبریں: امریکہ میں نئے سال میں دو فیصلہ کن انتخابات کے

عمران خان کی اتنی مقبولیت نہیں دیکھی جتنی آج ہے:فیصل جاوید

?️ 26 مارچ 2022اسلام آباد ( سچ خبریں )  پاکستان تحریک انصاف کے رہنماء سینیٹر

لبنانی وزیراعظم کے انتخاب میں سعودی مداخلت

?️ 25 جون 2022سچ خبریں:لبنانی وزیر اعظم کے انتخاب کے لیے ہونے والی مشاورت میں

لاہور میں طالبہ سے مبینہ زیادتی کے معاملے پر راولپنڈی میں احتجاج، 250 طلبہ گرفتار

?️ 17 اکتوبر 2024راولپنڈی: (سچ خبریں) لاہور میں نجی کالج کی طالبہ سے مبینہ زیادتی

پاکستان زراعت کے شعبے کی استعداد بڑھانے کے لئے چینی تجربات سے فائدہ اٹھانا چاہتا ہے. شہبازشریف

?️ 7 جون 2024بیجنگ: (سچ خبریں) وزیراعظم محمد شہباز شریف نے کہا ہے کہ پاکستان زراعت کے شعبے کی استعداد

شام کے متعدد شہروں میں امریکی حمایت یافتہ دہشتگردوں کے خلاف مظاہرے

?️ 27 جنوری 2021سچ خبریں:شام کے شمالی شہروں الحسکہ اور قمیشلی کے باشندوں نے امریکی

امریکہ یوکرین میں جنگ کو ہوا دینے کی کوشش کر رہا ہے:چینی میڈیا

?️ 19 مارچ 2023سچ خبریں:چینی تجزیہ کاروں کا خیال ہے کہ چین اور روس کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے