?️
اسلام آباد: (سچ خبریں) وزیر خزانہ مفتاح اسمٰعیل نے کہا ہے کہ آئی ایم ایف کی منیجنگ ڈائریکٹر کرسٹالینا جارجیوا نے پاکستان کی جانب سے توسیعی فنڈ سہولت پروگرام کی شرائط میں نرمی کی درخواست پر آمادگی ظاہر کی ہے۔
نجی ٹی وی چینل سے گفتگو کرتے ہوئے مفتاح اسمٰعیل نے کہا کہ آئی ایم ایف عہدیدار نے پاکستان کو قرض کی اگلی قسط میں ملنے والی رقم میں اضافے پر بھی اتفاق کیا ہے، تاہم آئی ایم ایف کے ساتھ بہت سارے معاملات پر مزید بات چیت ہونا ابھی باقی ہے۔
وزیر خزانہ نے کہا کہ انہوں نے آئی ایم ایف کو سیلاب کے بعد پاکستان کی معاشی صورتحال، کپاس کی فصلوں کی تباہی اور گندم کی مناسب فراہمی کو یقینی بنانے میں ملک کو درپیش مشکلات سے آگاہ کر دیا ہے۔
انہوں نے کہا کہ ’آئی ایم ایف حکام نے ہماری بات کو سمجھا اور تقریباً ہاں کہہ دیا لیکن 2 ہفتوں میں جب میں واشنگٹن جاؤں گا تو باضابطہ بات چیت ہوگی، حالات کو مدنظر رکھتے ہوئے شرائط میں نرمی کی جائے گی اور قرض کی قسط کی رقم میں بھی اضافہ کیا جائے گا‘۔
مفتاح اسمٰعیل نے بتایا کہ انہوں نے عالمی بینک کے حکام سے بھی ملاقاتیں بھی کیں، ان کی جانب سے رواں سال ملک کو 2 ارب ڈالر ملیں گے۔
انہوں نے کہا کہ اگر سیلاب کے سبب سندھ میں کپاس کی مکمل فصل تباہ ہوئی تو ہمیں کپاس درآمد کرنی پڑے گی، اسی طرح اگر ہم صحیح وقت پر گندم نہیں بو سکے تو اس کی پیداوار بھی کم ہو جائے گی، ہم اپنے لوگوں کو مرنے نہیں دے سکتے لہٰذا ہمیں اسے بھی درآمد کرنا پڑے گا۔
مفتاح اسمٰعیل نے بتایا کہ انہوں نے فلاحی کاموں میں سرگرم ارب پتی شخصیت بل گیٹس سے دودھ اور دیگر چیزوں کے حوالے سے بات چیت کے لیے ملاقات کی تھی جبکہ وزیر اعظم شہباز شریف نے سعودی ولی عہد شہزادہ محمد بن سلمان سے بچوں کی خوراک کے بارے میں بات کی۔
ڈالر کے مقابلے میں روپے کی تیزی سے گراوٹ سے متعلق سوال پر مفتاح اسمٰعیل نے کہا کہ حکومت، آئی ایم ایف کی شرائط اور ڈالر کی کمی کی وجہ سے مارکیٹ میں مداخلت کرنے کی پوزیشن میں نہیں ہے۔
انہوں نے کہا کہ ’ڈالر تمام کرنسیوں کے مقابلے میں مضبوط ہو رہا ہے، خیال کیا جا رہا ہے کہ پاکستان دیوالیہ ہو جائے گا لیکن ہم بالکل دیوالیہ نہیں ہوں گے، ڈالر کی قدر میں اضافہ ہوا ہے لیکن آنے والے دنوں میں یہ کنٹرول میں آجائے گا‘۔
خیال رہے کہ آئی ایم ایف کے ایگزیکٹو بورڈ نے گزشتہ ماہ پاکستان کے لیے قرض کی سہولت کے مشترکہ ساتویں اور آٹھویں جائزے مکمل کیے تھے جس سے پاکستان کے لیے ایک ارب 10 کروڑ ڈالر قرض کے فوری اجرا کی اجازت دے دی گئی تھی۔
اس وقت میں آئی ایم ایف ہیڈکوارٹرز کی جانب سے جاری کردہ ایک بیان میں کہا گیا کہ ’مالی سال 2023 کے لیے حال ہی میں منظور کیے گئے بجٹ پر ثابت قدمی سے عمل درآمد کو جاری رکھنا، مارکیٹ سے طے شدہ شرح مبادلہ پر عمل پیرا ہونا اور ایک فعال اور محتاط مالیاتی پالیسی کی پیروی کرنا فوری ترجیحات میں شامل ہے‘۔
یہ توسیعی فنڈ سہولت (ای ای ایف) پروگرام جولائی 2019 میں منظور کیا گیا تھا جس کے تحت 39 ماہ کی مدت کے دوران پاکستان کو 6 ارب ڈالر فراہم کیے جانے تھے، گزشتہ ماہ آئی ایم ایف بورڈ نے جون 2023 کے آخر تک پروگرام کی توسیع کی منظوری دی تھی۔
مشہور خبریں۔
طالبان کا اقوام متحدہ کے نام خط
?️ 22 ستمبر 2021سچ خبریں:طالبان نے اقوام متحدہ کے سکریٹری جنرل کے نام لکھے گئے
ستمبر
پاپولر فرنٹ فار فلسطین: صہیونی جرائم کا جاری رہنا انسانیت کے چہرے پر داغ ہے
?️ 8 مئی 2025پاک صحافت فلسطین کی آزادی کے لیے پاپولر فرنٹ نے صیہونی حکومت
مئی
غزہ میں استقامتی میزائل بیلٹ کے بارے میں صہیونی نیٹ ورک کا دعویٰ
?️ 18 اگست 2022سچ خبریں: صہیونی چینل کان نے اپنی ایک رپورٹ میں دعویٰ کیا
اگست
چین میں گیس ذخائر میں بڑا حادثہ، درجنوں افراد ہلاک اور زخمی ہوگئے
?️ 13 جون 2021بیجنگ (سچ خبریں) چین میں قدرتی گیس ذخائر میں بڑا حادثہ پیش
جون
اسرائیلی دشمن کو بھرپور جنگ کے لیے تیار کریں: حماس
?️ 26 دسمبر 2021سچ خبریں: فلسطین کی اسلامی مقاومتی تحریک (حماس) کے رہنماوں میں سے ایک
دسمبر
پارلیمنٹ ہاؤس کے سامنے سرکاری ملازمین کا دھرنا، 10 شرکاء زیرِ حراست
?️ 10 فروری 2021اسلام آباس {سچ خبریں} دارالحکومت اسلام آباد میں سرکاری ملازمین اور لیڈی
فروری
سعودی عرب میں ترک اسکولوں کا دوبارہ آغاز
?️ 4 اگست 2022سچ خبریں:حالیہ مہینوں میں ریاض اور انقرہ کے اعلیٰ حکام کی ملاقاتوں
اگست
الیکشن کیمیشن نے وزیر اعظم کے خلاف بولنے پر لگائی لگام
?️ 16 مارچ 2021اسلام آباد(سچ خبریں) پیپلزپارٹی کے رہنما نیئر بخاری نے وزیراعظم عمران خان
مارچ