پہلا سائبر ٹرک منظر عام پر

?️ 16 جولائی 2023

سچ خبریں: امریکی الیکٹرک کار ساز کمپنی ٹیسلا نے دو سال کی تاخیر کے بعد اپنا پہلا سائبر ٹرک بنا لیا۔

کمپنی کی جانب سے سماجی رابطے کی ویب سائٹ ٹوئٹر پر جاری ایک پیغام میں کہا گیا کہ ٹیکساس میں قائم الیکٹرک وہیکل مارکر پلانٹ میں دو سال کی تاخیر کے بعد پہلا سائبر ٹرک تیار کر لیا گیا ہے۔

یہ بھی پڑھیں: ٹیسلا فیکٹری کے پردے کے پیچھے نسل پرستی، امتیازی سلوک اور خواتین کی ہراسانی

ٹیسلا کے بانی ایلون مسک کی جانب سے سائبر ٹرک کی تیاری پر کمپنی کے سٹاف کو مبارکباد پیش کی گئی اور انہوں نے اپنے ٹوئٹر اکاؤنٹ پر لکھا کہ مبارک ہو ٹیسلا ٹیم

مزید پڑھیں: ٹیسلا  نے انسان نما روبوٹ تیار کرنے کا اعلان کر دیا

کمپنی نے رواں سال اپریل میں وعدہ کیا تھا کہ وہ سال کے اختتام سے پہلے پہلے سائبر ٹرک متعارف کرائے گی جبکہ مئی میں ایلون مسک نے کہا تھا کہ کمپنی کو امید ہے کہ وہ ایک سال میں 250,000 ٹرک بنائے گی۔

ٹیسلا سائبر ٹرک کے تین ماڈل بنائے گی، بنیادی ماڈل کی قیمت $39,900 ہوگی جبکہ ٹاپ لائن ٹرک $69,900 میں فروخت ہوگا۔