واٹس ایپ نے منفرد فیچر  متعارف کرا دیا

?️ 8 فروری 2022

سان فرانسسکو ( سچ خبریں) دنیا کی مقبول ترین پیغام رساں ایپلی کیشن  میں  صارفین  کی سہولت کے لئے نئے سے نئے فیچرز متعارف ہوتے رہتے ہیں اب  واٹس ایپ نے صوتی پیغامات کو بیک گراؤنڈ میں سننے کا اہل بناکر صارفین کی بڑی مشکل حل کردی ہے جس کی مدد سے صارفین دوسری چیٹ پر منتقل ہونے کے باوجود وائس میسج سن سکیں گے۔

تفصیلات کے مطابق غیر ملکی میڈیا کے مطابق دنیا کی مقبول ترین پیغام رساں ایپلی کیشن واٹس ایپ نے صارفین کی سہولت کےلیے منفرد فیچر متعارف کرایا ہے جس کی مدد سے صارفین دوسری چیٹ پر منتقل ہونے کے باوجود وائس میسج کو سن سکیں گے۔

رپورٹ میں بتایا گیا ہے کہ صارفین کسی ایک صارف سے ملنے والے پیغام کو سننے کے ساتھ ساتھ دوسرے صارف سے الگ چیٹ ونڈو پر بات کر سکیں گے۔ واٹس ایپ کا نیا فیچر ڈیسک ٹاپ بی ٹا ورژن 2.2204.5 میں شامل کیا جائے گا، بعد ازاں اسے آئی او ایس اور اینڈروائیڈ صارفین کیلئے پیش کیا جائے گا۔ واضح رہے کہ واٹس ایپ دنیا میں ایک مقبول ایپلی کیشن ہے جس جے صارفین کی تعداد بھی بہت زیادہ ہے اور صارفین نئے نئے فیچرز سے مستفید ہوتے رہتے ہیں۔