واٹس ایپ نے صارفین کے لئے اہم فیچر متعارف کرا دیا

واٹس ایپ کا اہم  فیچر میں تبدیلی کا فیصلہ

?️

سان فرانسسکو(سچ خبریں) واٹس ایپ نے  صارفین کی مشکلات کو مد نظر رکھتے ہوئے مختلف فیچرز متعارف کرائے ہیں ، جن میں سے چند سے لوگ ناواقف ہیں۔اب واٹس ایپ نے ایک اہم فیچر متعارف کرایا ہے جس سے صارفین کو کافی سہولت ملے گی جس میں صارفین اہم ترین اور ضروری پیغامات کو ایک جمع کر سکتے ہیں۔

پیغام رسانی کے لیے استعمال موبائل ایپلی کیشن کے دنیا بھر میں دو ارب سے زائد صارفین ہیں، جن کو کمپنی کی جانب سے نت نئی سہولیات فراہم کی جاتی ہیں۔واٹس ایپ استعمال کرنے والے اس بات سے بخوبی واقف ہیں کہ انہیں دن بھر میں دوستوں کی جانب سے سیکڑوں پیغامات موصول ہوتے ہیں۔

میسجز کی بھرمار کی وجہ سے صارفین بعض اوقات اہم ترین پیغام کو نظر انداز کردیتے ہیں یا کوئی ایسا پیغام جسے وہ دوبارہ پڑھنا چاہیں تو پڑھ نہیں پاتے۔مگر اب گھبرانے کی ضرورت نہیں ہے کیونکہ ہم آپ کو بتارہے ہیں واٹس ایپ کے ایسے فیچر کے بارے میں، جس کے استعمال سے آپ اہم ترین یا ضروری پیغامات کو ایک جگہ جمع کرسکتے ہیں اور پھر انہیں ایک کلک پر باآسانی پڑھ سکتے ہیں۔

اس فیچر کو استعمال کرنے کا ایک بڑا فائدہ یہ ہے کہ صارف کو پیغامات ادھر، اُدھر تلاش نہیں کرنا ہوں گے۔ویسے تو واٹس ایپ نے میسجز تلاش کرنے کے لیے سرچ کی سہولت بھی متعارف کرائی ہوئی ہے، مگر بعض اوقات یہ سر کا درد بن جاتی ہے کیونکہ اگر آپ کوئی بھی ایک لفظ سرچ بار میں تحریر کریں گے تو اُس سے ملتے جلتے پیغامات ظاہر ہونے لگیں گے۔

واٹس ایپ کے ایسے صارفین جو بہت زیادہ پیغامات کی وجہ سے ضروری پیغام کو تلاش نہیں کرپاتے وہ اسٹارڈ میسج کا آپشن استعمال کر کے اپنی پریشانی دور کرسکتے ہیں۔اس کے لیے آپ کو کرنا یہ ہےکہ کسی بھی دوست یا گروپ پر بھیجے گئے  پیغام کو کلک کر کے رکھنا ہے، جس کے بعد اوپر ایک اسٹار کا آپشن ہوگا، اگر آپ اس کو دبا دیں گے تو میسج اسٹارڈ باکس میں جمع ہوجائے گا۔ اس فیچر کو آپ بک مارک بھی سمجھ سکتے ہیں۔

واٹس ایپ کھولنے کے بعد سیدھے ہاتھ پر اوپر کی جانب تین نقطے نظر آئیں گے، جن پر آپ کلک کریں گے تو چوتھے نمبر پر سیٹنگز سے پہلے اسٹارڈ میسجز کا آپشن نظر آئے گا، اس پر کلک کرنے کے بعد آپ اپنے بک مارک کیے گئے پیغامات تک پہنچ جائیں گے۔دلچسپ بات یہ ہے کہ آپ ایسے پیغامات کو اگر کلک کر کے رکھیں گے تو یہ ان اسٹارڈ ہوکر عام پیغامات میں شامل ہوجائیں گے۔

مشہور خبریں۔

کامیابی کے لئے پرامید ہیں:چوہدری پرویز الٰہی

?️ 13 اپریل 2022لاہور:(سچ خبریں) پنجاب کی وزارت اعلیٰ کیلئے حکومتی اتحاد کے امیدوار چوہدری

داسو سمیت تمام منصوبوں پر سیکیورٹی مزید بہتر بنا رہے ہیں، چیئرمین واپڈا

?️ 27 مارچ 2024اسلام آباد: (سچ خبریں) چیئرمین واپڈا لیفٹیننٹ جنرل ریٹائرڈ سجاد غنی کا

Hail a Ride Hands-Free: Apple Opens Siri to Outside Developers

?️ 28 جولائی 2021 When we get out of the glass bottle of our ego

پی آئی اے کی دوسری پرواز کابل پہنچ گئی

?️ 20 اگست 2021اسلام آباد(سچ خبریں) افغانستان میں طالبان کے مکمل کنٹرول کے بعد کابل

اسرائیل غزہ کے دلدل میں پھنس چکا ہے:اسرئیلی جنرل کا اعتراف

?️ 23 جولائی 2025اسرائیل غزہ کے دلدل میں پھنس چکا ہے:اسرئیلی جنرل کا اعتراف اسرائیلی

لاکھوں یمنی بچوں کو اجتماعی موت کا خطرہ

?️ 27 جون 2021سچ خبریں:یمنی قومی نجات حکومت کے یمن کے وزیر برائے نقل و

سائفر کیس کی سماعت اٹک جیل منتقل کرنے کے خلاف درخواست پر فیصلہ محفوظ

?️ 12 ستمبر 2023اسلام آباد:(سچ خبریں) چیف جسٹس اسلام آباد ہائی کورٹ جسٹس عامر فاروق

رویت ہلال کمیٹی نے عیدالاضحی کا اعلان کر دیا گیا

?️ 11 جولائی 2021کراچی (سچ خبریں) محکمہ موسمیات کے دفتر میں ہونے والے اجلاس میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے