واٹس ایپ نے صارفین  کی بڑی مشکل حل کر دی

?️ 6 ستمبر 2021

سان فرانسسکو (سچ خبریں) دنیا کی مقبول ترین موبائل ایپلیکیشن واٹس ایپ نے صارفین کی بڑی مشکل حل کردی۔ واٹس ایپ صارفین کو ایک مشکل تھی کہ اگر وہ اینڈرائیڈ سے آئی او ایس آپریٹنگ سسٹم پر منتقل ہوتے ہیں تو اُن کی چیٹ ضائع ہوجاتی ہے۔

واٹس ایپ کے صارفین کی تعداد دو ارب سے زائد ہے، جن کو سہولیات فراہم کرنے کے لیے کمپنی کی جانب سے آئے روز نت نئے فیچرز متعارف کرائے جاتے ہیں۔واٹس ایپ صارفین کو ایک مشکل تھی کہ اگر وہ اینڈرائیڈ سے آئی او ایس آپریٹنگ سسٹم پر منتقل ہوتے ہیں تو اُن کی چیٹ ضائع ہوجاتی ہے۔

اب واٹس ایپ نے صارفین کی اس مشکل کو حل کرتے ہوئے نیا فیچر متعارف کرا دیا ہے، ٹیکنالوجی پر نظر رکھنے والے ماہرین نے بتایا کہ فی الوقت یہ سہولت سام سنگ صارفین کے لیے دستیاب ہے۔اینڈرائیڈ 10 یا 11 آپریٹنگ سسٹم والے فونز سے آئی او ایس سسٹم پر صارف چیٹ ، ایموجی، تصاویر منتقل کرسکے گا۔

واٹس ایپ کے مطابق اینڈرائیڈ صارف اس فیچر کی واٹس ایپ کی تمام ہسٹری آئی او ایس پر منتقل کرسکیں گے لیکن اس کے لیے آپ کو اپنے سام سنگ فون میں واٹس ایپ انسٹال کرنا پڑے گا جس کے بعد ایک آپشن نظر آئے گا۔

یہ آپشن چیٹس کو کسی آئی فون سے محفوظ طریقے سے منتقل کرنے کا ہوگا اور اس کام کے لیے یو ایس سی ٹو لائٹننگ کیبل کی ضرورت ہوگی۔اس منتقلی میں اکاؤنٹس انفارمیشن، پروفائل فوٹو، انفرادی چیٹس، گروپ چیٹس، چیٹ ہسٹری، میڈیا (وائس میسجز، تصاویر اور ویڈیوز) اور سیٹنگز سب کچھ ایک سے دوسرے فون میں ٹرانسفر ہوجائے گا۔

اس کا مکمل طریقہ کار اور ضروریات کو اس لنک پر جاکر دیکھ سکتے ہیں مگر اس کے لیے سام سنگ اسمارٹ سوئچ کی ضرورت ہوگی اور بظاہر ڈیٹا ٹرانسفر اسی وقت ہوسکے گا جب آپ کا سام سنگ فون نیا ہو یا آپ نے فیکٹری سیٹںگز کو ری سیٹ کیا ہو۔

خیال رہے کہ اگست کے آغاز میں کمپنی نے اس فیچر کو لانچ کرنے کا اعلان کرتے ہوئے کہا کہ یہ فیچر بہت مشکل سے تیار کیا گیا کیونکہ صارفین کے میسجز اینڈ ٹو اینڈ انکرپٹڈ اور موبائل میں محفوظ ہوتے ہیں، اس کام کو یقینی بنانے کے لیے موبائل کمپنیوں نے بھی اضافی کام کیا اور سب کی مشترکہ کاوش کے بعد ہی فیچر تیار کیا گیا۔

یہ ٹول صارفین کے لیے بہت مددگار ثابت ہوگا کیونکہ وہ مختلف ڈیوائسز اور پلیٹ فارمز پر اپنے اکاؤنٹ کا تمام ڈیٹا کسی بھی آپریٹنگ سسٹم میں منتقل کر کے اُسے استعمال کرسکیں گے۔واٹس ایپ کے سربراہ ول کیٹ کارٹ نے بتایا کہ ابتدائی مرحلے میں یہ سہولت صارف سام سنگ کے اینڈرائیڈ اسمارٹ فونز پر دستیاب ہوگی، جلد تمام اینڈرائیڈ صارفین فیچر استعمال کرسکیں گے۔