اوپو کا چار کیمروں کا حامل ایکس 8 فون متعارف

?️ 12 اپریل 2025

سچ خبریں: اسمارٹ فون بنانے والی چینی کمپنی اوپو نے اپنی سیریز فائنڈ کا نیا فون 8 ایکس متعارف کرادیا، جسے قیمت کے حوالے سے قدرے مہنگا قرار دیا جا رہا ہے۔

چینی کمپنی کی جانب سے متعارف کردہ ’اوپو: فائنڈ 8 ایکس‘ کو چار بیک اور ایک سیلفی کیمرا کے ساتھ متعارف کرایا گیا ہے۔

فون کو 8-6 انچ اسکرین اور دو اضافی شارٹ کٹ بٹنز کے ساتھ متعارف کرایا گیا، اس میں طاقتور 6 ہزار 100 ایم اے ایچ کی بیٹری دی گئی ہے۔

فون کو 100 واٹ کے فاسٹ چارجر جب کہ 50 واٹ کے وائرلیس چارجر اور 10 واٹ کے ریورس لیس چارجر کے ساتھ متعارف کرایا گیا ہے۔

اینڈرائیڈ 15 کے حامل کلرز او ایس 15 آپریٹنگ سسٹم میں پیش کردہ فون کو 12 اور 16 جی بی ریم جب کہ 256 اور 512 جی بی میموری کے ساتھ متعارف کرایا گیا ہے۔

فون کے بیک پر چاروں کیمرے پچاس پچاس میگا پکسل کے دیے گئے ہیں جب کہ فرنٹ پر 32 میگا پکسل کا کیمرا دیا گیا ہے جب کہ کمپنی کا دعویٰ ہے کہ فون کے کیمرا کی ٹیکنالوجی اپگریڈ کردی گئی ہے۔

فون میں آرٹیفیشل انٹیلی جنس (اے آئی) فیچرز کے ٹولز بھی دیے گئے ہیں جب کہ اس میں فنگر پرنٹ سینسر سمیت دیگر سیکیورٹی فیچرز بھی دیے گئے ہیں۔

کمپنی کے مطابق 12 جی بی ریم اور 256 جی بی میموری ماڈیول کی قیمت پاکستانی ڈھائی لاکھ روپے جب کہ 16 جی بی ریم اور 512 جی بی میموری ماڈیول کی قیمت پاکستانی 2 لاکھ 70 ہزار روپے تک رکھی گئی ہے۔

امکان ظاہر کیا جا رہا ہے کہ فون کو پاکستان میں فروخت کے لیے پیش کرتے وقت اس کی قیمت میں مزید کمی کی جائے گی، تاہم اس حوالے سے کچھ بھی کہنا قبل از وقت ہے۔