?️
سچ خبریں:صیہونی فوج نے شام کے صوبہ قنیطرہ میں 6 ہزار ہیکٹر زرعی اراضی اور چراگاہوں پر قبضہ کر کے آٹھ نئے فوجی اڈے قائم کرنے کا عمل شروع کر دیا ہے، جس سے ہزاروں مقامی کسان اور چرواہے متاثر ہوئے ہیں۔
اناتولی نیوز ایجنسی کی رپورٹ کے مطابق شام کے صوبہ قنیطرہ مقامی ذرائع کے حوالے سے اطلاع دی ہے کہ صیہونی فوج نے نئے فوجی اڈے تعمیر کرنے کے مقصد سے اس صوبے کی 6 ہزار ہیکٹر زرعی زمین اور چراگاہوں پر قبضہ کر لیا ہے۔
ذرائع کے مطابق، صیہونی فوج نے تقریباً 6 ہزار ہیکٹر زرعی زمین اور چراگاہوں کو قبضے میں لینے کے بعد علاقے میں آٹھ فوجی اڈے بنانے کا عمل شروع کر دیا ہے۔ یہ سب کچھ حائل علاقے کے اندر کیا جا رہا ہے۔
ان مقامی ذرائع کے بقول، اس فوجی جارحیت کے نتیجے میں علاقے کے ہزاروں چرواہوں اور کسانوں کا بنیادی ذریعہ آمدن چھن گیا ہے۔
اسی رپورٹ کے مطابق، صیہونی فوج نے گاؤں الحمیدیہ میں 15 سے زائد رہائشی مکانات کو بھی منہدم کر دیا ہے، حالانکہ اس علاقے میں کوئی فوجی سرگرمی نہیں تھی۔
جارحیت کا سلسلہ یہاں تک محدود نہیں رہا بلکہ صیہونی فوجیوں نے قنیطرہ کے نواحی علاقے الرفید کے مغرب میں سرحدی دیوار کے قریب دسیوں دونم (ہر دونم = 1,000 مربع میٹر) زرعی زمین کو آگ لگا دی۔
مقامی ذرائع کے مطابق، اقوام متحدہ کے اہلکار ناکافی وسائل کے ساتھ اس آگ پر قابو پانے کی کوشش کر رہے ہیں۔
رپورٹ کے مطابق، اسرائیلی فوج کی یہ عسکری سرگرمیاں اس علاقے میں انجام پا رہی ہیں جو اقوام متحدہ کی نگرانی میں ہے۔ یہ نہ صرف بین الاقوامی قوانین بلکہ شام کی علاقائی خودمختاری کی بھی کھلی خلاف ورزی ہے اور اس سے تل ابیب کی طرف سے علاقے کی جغرافیائی و آبادیاتی ساخت تبدیل کرنے کے طویل مدتی منصوبوں پر خدشات بڑھ گئے ہیں۔
یہ اقدامات ایسے وقت ہو رہے ہیں جب اس سے قبل بعض باخبر ذرائع نے المیادین کو بتایا تھا کہ جنوب شام میں تین نئے حائل علاقے بنانے کی اطلاعات ہیں، جن میں درعا، قنیطرہ اور السویداء صوبے شامل ہوں گے۔
ابتدائی معاہدے کے مطابق، شامی فوج کو ہدایت کی گئی ہے کہ وہ ان علاقوں سے اپنا بھاری اسلحہ ہٹا لے اور صرف ہلکے اسلحے کے ساتھ افواج کو تعینات کرے۔
اس دوران، صہیونی میڈیا نے رپورٹ کیا ہے کہ ایک شامی تاجر حال ہی میں اسرائیل گیا اور اس نے شامی عارضی حکومت کے سربراہ ابو محمد الجولانی کا پیغام صیہونی پارلیمان (کنیسٹ) کو پہنچایا ہے۔
رپورٹس کے مطابق، الجولانی نے اپنے پیغام میں اس بات پر زور دیا کہ موجودہ صورتحال کو ایک تاریخی علاقائی موقع سمجھ کر، جو ہر سو سال میں ایک بار آتا ہے، اسرائیل اور شام کے درمیان تعلقات کی عادی سازی (نورملائزیشن) کو آگے بڑھانا چاہیے۔
Short Link
Copied
مشہور خبریں۔
افغانستان میں اقوام متحدہ کے لیے ایک بڑا چیلنج
?️ 12 جولائی 2023سچ خبریں:اقوام متحدہ کے دفتر برائے کوآرڈینیشن آف ہیومینٹیرین ایڈ ان افغانستان
جولائی
پاکستان کا بھارت کو سخت پیغام
?️ 26 اپریل 2025سچ خبریں:ہندوستانی دفاعی مشیروں کو 48 گھنٹے میں ملک چھوڑنے کا حکم،
اپریل
سوات واقعے پر گورنر کے پی فیصل کریم کنڈی کا وزیراعلی سے استعفے کا مطالبہ
?️ 27 جون 2025پشاور (سچ خبریں) گورنر خیبر پختونخوا فیصل کریم کنڈی نے سوات میں
جون
امریکی سینیٹر ٹرمپ کے ساتھ تنازع کے بعد انتخابات سے دستبردار ہو گئے
?️ 30 جون 2025سچ خبریں: امریکی ریپبلکن سینیٹر ٹام ٹِلس ڈونلڈ ٹرمپ سے اختلاف کے
جون
امریکی سینیٹر کی سعودی عرب پر کڑی تنقید
?️ 21 اگست 2022سچ خبریں:ایک امریکی سینیٹر نے سعودی عرب میں خاتون کارکن کو 34
اگست
منکی پاکس کی ٹیسٹنگ کٹس کا آرڈر دے دیا ہے:وفاقی وزیر صحت
?️ 27 مئی 2022اسلام آباد(سچ خبریں)وفاقی وزیر صحت عبدالقادر پٹیل نے کہا ہے کہ حکومت
مئی
جموں و کشمیر مسلمہ بین الاقوامی تنازع ہے، مرتضی سولنگی
?️ 13 دسمبر 2023اسلام آباد: (سچ خبریں) نگران وفاقی وزیر اطلاعات مرتضی سولنگی نے کہا
دسمبر
یمن جنگ کی آگ اب اس ملک تک محدود نہیں رہے گی:یمنی نائب وزیر اعظم
?️ 3 مئی 2023سچ خبریں:یمنی قومی نجات حکومت کے نائب وزیر اعظم نے اس بات
مئی