صیہونی فوج میں ہزاروں فوجی اہلکاروں کی کمی: صیہونی اخبار

?️ 17 فروری 2026

سچ خبریں:ایک صیہونی اخبار نے قابض حکومت کی فوج میں انسانی وسائل کی شدید قلت کے بحران کا اعتراف کیا ہے۔

اخبار یدیعوت احرونٹ کی رپورٹ کے مطابق صہیونی ریاست کی فوج کو اپنی صفوں میں انسانی وسائل کی شدید قلت کا سامنا ہے، یہاں تک کہ اسے مختلف شعبوں میں 12 ہزار اہلکاروں کی ضرورت ہے۔

یہ بھی پڑھیں: غزہ کے خلاف اسرائیلی دہشت گردی کے اثرات، صہیونی فوج میں شدید اختلافات پیدا ہوگئے

اس رپورٹ کے مطابق، صیہونی فوج کو غزہ کی پٹی، لبنان، شام کی سرحدوں کے قریب اور مغربی کنارے میں صہیونی فوجیوں کی تعینامی کے باعث جنگی عہدوں پر سات ہزار سے زائد اہلکاروں کی کمی کا سامنا ہے۔

اس رپورٹ میں بتایا گیا ہے کہ مذکورہ اہلکاروں کی کمی کی وجہ سے ریزرو فورسز پر اضافی بوجھ پڑتا ہے۔

اس سے قبل بھی صہیونی اخبار یدیعوت احرونٹ نے صہیونی ریاست کی فوج کے لیے نئے بحران سے پردہ اٹھایا تھا اور فوج میں دوہری شہریت رکھنے والے فوجیوں کی تعداد کے بارے میں سرکاری اور تفصیلی معلومات افشا کی تھیں۔

مزید پڑھیں: فوج کی کمی پوری کرنے کے لیے صیہونیوں کا احمقانہ منصوبہ

یہ اعداد و شمار بتاتے ہیں کہ فوج کے 50632 اہلکار، صیہونی شہریت کے علاوہ، دیگر شہریتیں بھی رکھتے ہیں، جن میں سے 12135 امریکی شہریت، 6100 فرانسیسی شہریت اور 5000 سے زائد روسی شہریت رکھتے ہیں۔ اس کے علاوہ، جرمنی، یوکرین، برطانیہ، کینیڈا اور لاطینی امریکی ممالک سے ہزاروں فوجی اور عرب شہریتوں کی محدود تعداد بھی صہیونی ریاست کی فوج میں موجود ہے۔ نیز، 4440 صہیونی فوجی دو غیر ملکی شہریتیں رکھتے ہیں اور تقریباً 162 افراد تین یا اس سے زائد شہریتیں رکھتے ہیں۔