صہیونی تجزیہ کاروں کی نیتن یاہو کے غزہ پر بڑے حملے کے منصوبے پر شدید تنقید

سچ خبریں:صہیونی  تجزیہ کاروں نے قابض وزیراعظم نیتن یاہو کے غزہ پر نئے وسیع حملے کے فیصلے کو غیر دانشمندانہ قرار دیتے ہوئے خبردار کیا ہے کہ یہ کارروائی پچھلی جنگوں کی طرح ناکام ہو سکتی ہے، جبکہ حماس کی مزاحمتی صلاحیت بدستور برقرار ہے۔

قابض صیہونی وزیراعظم بنیامین نیتن یاہو کی جانب سے غزہ پر وسیع فوجی حملے کی تیاریوں کے اعلان پر، خود اسرائیلی تجزیہ کاروں نے شدید تحفظات کا اظہار کیا ہے اور اسے ایک غیر منطقی اور خطرناک فیصلہ قرار دیا ہے۔

یہ بھی پڑھیں:غزہ میں جنگ بندی کے لیے صیہونی حکومت کا نیا منصوبہ

الجزیرہ نیوز چینل کی روپورٹ کے مطابق، صہیونی تجزیہ کار نیر دفوری نے انکشاف کیا ہے کہ اسرائیلی سکیورٹی سروسز نے ہزاروں ریزرو فوجیوں کو دوبارہ طلب کرنے کا فیصلہ کر لیا ہے۔

 انہوں نے کہا کہ کئی ریزرو فوجیوں کو طلبی کے نوٹس بھیج دیے گئے ہیں، اور آئندہ 48 گھنٹوں میں مزید نوٹس جاری ہوں گے، جو غزہ میں ممکنہ فوجی کارروائی کی تیاری کا حصہ ہیں۔

سابق نائب صدر داخلی سلامتی کونسل ایتان بن داوید نے خبردار کیا کہ غزہ میں جنگی کارروائیوں کے تقریباً رُکنے کے باوجود، دو اسرائیلی فوجی رفح میں ہلاک ہو گئے، جو اس بات کا ثبوت ہے کہ حماس اب بھی مکمل جنگی صلاحیت رکھتی ہے، خاص طور پر سرنگوں اور بارودی جالوں کے ذریعے۔

سیاسی تجزیہ کار باراک رافید نے صہیونی فوج کے سینئر افسران کے حوالے سے کہا کہ اس بات کی کوئی ضمانت نہیں کہ یہ نئی وسیع کارروائی کوئی مختلف نتیجہ دے گی،انہوں نے زور دیا کہ نیتن یاہو اسرائیلی عوام کو اصل صورت حال سے آگاہ نہیں کر رہے۔

مزید پڑھیں:اسرائیلی وزیر خزانہ نے غزہ جنگ بندی معاہدے کو تباہی قرار دیا

یہ بات واضح ہوتی جا رہی ہے کہ اسرائیلی حکومت کے اندر اور سکیورٹی اداروں میں غزہ پر نئی جنگی کارروائی کے حوالے سے اختلاف رائے بڑھ رہا ہے، جبکہ میدان میں حماس کی مزاحمت بدستور اسرائیلی منصوبوں کو ناکام بنا رہی ہے۔