یمن کی اسرائیل کے خلاف بے مثال کامیابی؛صیہونی اخبار کا اعتراف

سچ خبریں:صیہونی اخبار معاریو نے اعتراف کیا ہے کہ یمن کی کامیابی صرف بین گورین ایئرپورٹ کو بند کرنا نہیں بلکہ اسرائیل کی عالمی سطح پر تنہائی اور خودمختاری کی علامتوں کو نشانہ بنانا ہے، حملوں نے صہیونی فضائی اور بحری ٹرانسپورٹ کو مفلوج کر دیا۔

عبری زبان کے معروف صہیونی اخبار معاریو نے یمن کی مسلح افواج کے حالیہ میزائل حملوں کو اسرائیل کے خلاف بے مثال کامیابی قرار دیتے ہوئے اعتراف کیا ہے کہ یمنی حملے صرف بین گورین ایئرپورٹ کی بندش تک محدود نہیں، بلکہ یہ اسرائیل کی خودمختاری کی علامتوں کو نشانہ بنا کر اسے دنیا سے الگ تھلگ کر رہے ہیں۔

یہ بھی پڑھیں: یمن کے بیلسٹک میزائل حملے کی انفرادیت؛اسرائیل کے دل پر کاری وار

المسیرہ نیوز چینل کے مطابق، معاریو نے اپنی رپورٹ میں کہا ہے کہ یمن کی اصل کامیابی ایئرپورٹ بند کرنا نہیں بلکہ اسرائیل کو عالمی سطح پر تنہائی کی طرف دھکیلنا اور اس کی کو نشانہ بنانا ہے۔

معاریو نے مزید لکھا کہ یمن کی جانب سے جاری حملوں نے گزشتہ ڈیڑھ سال کے دوران اسرائیل کی فضائی آمد و رفت کو مستقل طور پر متاثر کیا ہے۔

یہ مسائل بحری نقل و حمل میں بھی نمایاں ہو چکے ہیں، جہاں ایلات اور دیگر بندرگاہوں کی جانب کشتیوں کی روانی میں رکاوٹیں درپیش ہیں۔

رپورٹ میں اس جانب بھی توجہ دلائی گئی ہے کہ انصاراللہ یمن نے اپنی توجہ اب اسرائیل کی دیگر اہم بندرگاہوں جیسے کہ حیفا اور اشدود کو نشانہ بنانے پر مرکوز کر دی ہے، جو اسرائیلی معیشت کے لیے ریڑھ کی ہڈی کی حیثیت رکھتے ہیں۔

گزشتہ روز بین گورین ایئرپورٹ پر یمنی افواج کے کامیاب میزائل حملے نے اسرائیل کے دارالحکومت تل ابیب میں شدید خوف و ہراس پھیلا دیا۔

مزید پڑھیں: یمن کی مزاحمتی کارروائیاں اور صیہونیوں کی بے بسی

 ایئرپورٹ کی بندش کے باعث بین الاقوامی پروازیں معطل ہو گئیں اور اسرائیلی حکام دفاعی نظاموں کی ناکامی پر وضاحتیں پیش کرنے میں مصروف ہیں۔