دو ہفتے میں پتہ چل جائے گا کہ پیوٹن مجھے دھوکہ دے رہا ہے یا نہیں:ٹرمپ

?️ 31 مئی 2025

سچ خبریں:امریکی صدر ڈونلڈ ٹرمپ نے کہا ہے کہ آئندہ دو ہفتوں میں واضح ہو جائے گا کہ روسی صدر ولادیمیر پیوٹن یوکرین جنگ کے بارے میں سنجیدہ ہیں یا محض وقت گزار رہے ہیں۔

امریکی صدر ڈونلڈ ٹرمپ نے دعویٰ کیا ہے کہ آئندہ دو ہفتوں کے دوران انہیں معلوم ہو جائے گا کہ روسی صدر ولادیمیر پیوٹن واقعی یوکرین جنگ ختم کرنا چاہتے ہیں یا انہیں دھوکہ دے رہے ہیں۔

یہ بھی پڑھیں: یوکرین کے لیے فیصلہ کن دن؛ پیرس اور ریاض اجلاس میں سفارتی شطرنج

امریکی نشریاتی ادارے اے بی سی نیوز کے مطابق، وائٹ ہاؤس میں ایک پریس کانفرنس سے خطاب کرتے ہوئے ٹرمپ نے کہا کہ پیوٹن کے ارادے آئندہ ایک سے دو ہفتے میں واضح ہو جائیں گے۔

انہوں نے کہا کہ ہم جان لیں گے کہ آیا وہ ہمیں چکر دے رہا ہے یا نہیں،اگر ایسا ہوا تو ہمارا جواب مختلف ہوگا۔ مگر اس نتیجے پر پہنچنے میں تقریباً ڈیڑھ سے دو ہفتے لگیں گے۔

ٹرمپ نے اس موقع پر امریکی نمائندہ خصوصی اسٹیو وِٹکاف کی کوششوں کو بھی سراہا اور کہا کہ اسٹیو وِٹکاف یہاں موجود ہے اور بہترین کام کر رہا ہے، وہ اس وقت بھرپور انداز میں مذاکرات کر رہا ہے،ایسا لگتا ہے کہ روسی فریق کچھ کرنا چاہتا ہے، لیکن جب تک معاہدے پر دستخط نہیں ہوتے، میں یقین سے کچھ نہیں کہہ سکتا۔”

ٹرمپ نے اس کے ساتھ ساتھ روس کی جانب سے رواں ہفتے یوکرین پر کیے گئے وسیع حملے پر شدید ناراضی کا اظہار بھی کیا۔

مزید پڑھیں:امریکہ کے نو منتخب صدر یوکرین میں جنگ ختم کرنے کے لیے تیار

انہوں نے مزید کہا کہ میں یہ کہہ سکتا ہوں کہ میں چند رات پہلے پیش آنے والے واقعے پر بے حد افسردہ اور سخت ناراض ہوں، خاص طور پر جب کہ ہم اسے مذاکراتی عمل کہہ رہے ہیں، اس دوران کئی لوگ ہلاک ہو گئے۔