نیو جرسی اسرائیلیوں کو کیوں نہیں دے دیتے؟؛ جولانی کا ٹرمپ پر طنزیہ وار

?️ 23 ستمبر 2026

سچ خبریں:شام کے خود ساختہ صدر ابو محمد الجولانی نے ٹرمپ سے سابق ملاقات کا ذکر کرتے ہوئے گولان کی مقبوضہ پہاڑیوں سے متعلق طنزیہ جملہ سنایا اور کہا کہ گولان شام کی ملکیت ہے۔

شام کے خود ساختہ صدر ابو محمد الجولانی نے امریکی صدر ڈونلڈ ٹرمپ کے ساتھ اپنی سابق ملاقات کا ذکر کرتے ہوئے مقبوضہ شامی گولان کی پہاڑیوں سے متعلق طنزیہ انداز میں کہا کہ آپ نیو جرسی اسرائیلیوں کو کیوں نہیں دے دیتے؟

الجزیرہ کے مطابق ابو محمد الجولانی نے نیویارک میں اقوام متحدہ کی جنرل اسمبلی کے اجلاس کے موقع پر منعقدہ ایک نشست کے دوران ٹرمپ کے ساتھ ہونے والی اپنی سابقہ گفتگو کی تفصیلات بیان کیں۔

انہوں نے کہا کہ وائٹ ہاؤس میں ٹرمپ کے ساتھ ملاقات کے دوران جب اسرائیل کی جانب سے شام کی مقبوضہ گولان کی پہاڑیوں پر خود ساختہ حاکمیت کے معاملے پر گفتگو ہوئی تو انہوں نے امریکی صدر سے مذاقاً کہا: آپ نیو جرسی اسرائیلیوں کو کیوں نہیں دے دیتے؟ آپ گولان کے مالک نہیں ہیں کہ اسے اسرائیلیوں کو دے سکیں، لیکن آپ نیو جرسی کے مالک ہیں۔

الجولانی نے مزید کہا کہ چونکہ نیو جرسی میں بڑی تعداد میں ڈیموکریٹس آباد ہیں اور وہ ٹرمپ کو ووٹ نہیں دیتے، اس لیے اسے اسرائیلیوں کے حوالے کرنا اچھا خیال ہوسکتا ہے۔

تاہم انہوں نے واضح کیا کہ مذاق سے قطع نظر شام کی گولان کی پہاڑیاں شامی عوام کی ملکیت ہیں۔ ان کے بقول شام، امریکہ یا کسی بھی دوسرے ملک کا کوئی صدر یا کوئی فرد اس علاقے کو کسی اور کے حوالے کرنے یا اس سے دستبردار ہونے کا اختیار نہیں رکھتا۔