اسرائیل پر ایران حملے کے بارے میں حماس کا کیا کہنا ہے؟

?️ 2 اکتوبر 2024

سچ خبریں: فلسطین کی اسلامی مزاحمتی تحریک حماس کی عسکری شاخ قسام بریگیڈز کے ترجمان ابوعبیدہ نے ایران کی جانب سے صیہونی ریاست کی جارحیتوں کے جواب میں داغے گئے میزائل حملے کو قابض اور جارح صیہونی ریاست کے خلاف ایک زوردار ضرب قرار دیا۔

الجزیرہ نیوز چینل کی رپورٹ کے مطابق فلسطین کی اسلامی مزاحمتی تحریک حماس کی عسکری شاخ قسام بریگیڈز کے ترجمان ابوعبیدہ نے ایک بیان میں کہا کہ ہم ایران کی جانب سے کیے گئے اس جوابی اقدام کو خوش آمدید کہتے ہیں، جس نے پورے مقبوضہ فلسطین کے جغرافیے کو لپیٹ میں لے کر قابض جنایتکاروں پر زوردار حملہ کیا۔

یہ بھی پڑھیں: اسرائیل پر ایران کے حملے کے تباہ کن نتائج ہو سکتے ہیں: انگلینڈ

انہوں نے مزید کہا کہ قابض جنایتکار یہ سوچتے تھے کہ ان کی خطے میں دھونس اور ملتوں پر حملے بغیر کسی سزا کے رہ جائیں گے۔

فلسطین کی اسلامی مزاحمتی تحریک حماس کی عسکری ونگ قسام بریگیڈز کے ترجمان نے ایران کی جانب سے صیہونی ریاست کی جنایتوں کے جواب میں کیے گئے میزائل حملے کو قابض اور جنایتکار صیہونی ریاست کے خلاف ایک زوردار ضرب قرار دیا۔

ابوعبیدہ نے زور دے کر کہا کہ آج لڑائی کی تاریخ میں ایک غیر معمولی دن ہے، جس میں مزاحمت کاروں کی آگ فلسطین کے آسمان میں آپس میں مل گئی۔

مزید پڑھیں: ایران کے اسرائیل پر حملے نے کیا ثابت کیا؟ عراقی تجزیہ کار کی زبانی

آج وہ غیر معمولی دن ہے جس میں تل ابیب کو یمنی، لبنانی، فلسطینی اور ایرانی مجاہدین کے حملوں کا سامنا کرنا پڑا۔

انہوں نے مزید کہا کہ آج کے واقعات امت کے تمام آزاد لوگوں کے لیے ایک دعوت ہیں کہ وہ فلسطین کی آزادی میں اپنا حصہ ڈالیں۔