ہم نے اسرائیل کو بچایا ہے؛الجولانی کا بڑا دعویٰ

?️ 31 دسمبر 2024

سچ خبریں:تحریر الشام کے سربراہ ابومحمد الجولانی کا کہنا ہے کہ خطہ بڑی جنگ کے دہانے پر تھا؛ ہم نے ایران کے اسرائیل پر حملے کو روکا ہے!

تحریر الشام کے سربراہ ابومحمد الجولانی نے حالیہ دنوں میں العربیہ چینل کو دیے گئے ایک انٹرویو میں دعویٰ کیا کہ موجودہ صورتحال میں ان کے اقدامات تاریخی نوعیت کے تھے۔

یہ بھی پڑھیں: کیا الجولانی حکومت کو اسرائیل سے کوئی مسئلہ ہے؟دمشق کے گورنر کا اہم اعلان

انہوں نے کہا کہ اسرائیل غزہ اور لبنان کے بعد شام پر ایک بڑے حملے کی منصوبہ بندی کر رہا تھا۔

الجولانی نے مزید دعویٰ کیا کہ اگر اسرائیلی افواج شام میں داخل ہوتیں تو ایران کے دباؤ میں عراق بھی جنگ میں شامل ہو جاتا۔ اسی طرح، ترکی بھی اپنے جنوبی حصے میں سیکیورٹی کی خرابی کے خوف سے ایران کے ساتھ اسرائیل مخالف جنگ میں داخل ہو جاتا۔

ایسا معلوم ہوتا ہے کہ الجولانی اپنی ان باتوں کے ذریعے خاص طور پر امریکی-صیہونی محور کی حمایت حاصل کرنے کی کوشش کر رہے ہیں۔

مزید پڑھیں:صیہونی حکومت کا جنوبی شام کے آبی وسائل قبضہ کرنے کا خطرناک منصوبہ

انہوں نے کہا کہ اس صورت حال میں روس اور امریکہ بھی جنگ میں شامل ہو جاتے، اور پورے خطے کے لیے ایک خطرناک صورتحال پیدا ہو جاتی جس کو ہم نے روکا ہے۔