امریکہ کو نیتن یاہو حکومت کی حمایت بند کرنا چاہیے:امریکی سینیٹر 

سچ خبریں:سینیٹر برنی سینڈرز نے کہا ہے کہ امریکہ کو اسرائیلی وزیر اعظم نیتن یاہو کی کابینہ کی حمایت ختم کرنی چاہیے، جو غزہ میں قتل عام اور انسانی بحران کی ذمہ دار ہے،انہوں نے ایران کے خلاف امریکی جنگی اقدامات کو بھی غیرقانونی قرار دیا۔

ممتاز امریکی سینیٹر برنی سینڈرز نے اسرائیل کی جنگی پالیسیوں اور فلسطینیوں کے خلاف جرائم پر سخت ردعمل دیتے ہوئے زور دیا ہے کہ واشنگٹن کو اسرائیلی وزیر اعظم بنیامین نتانیاہو کی کابینہ کی حمایت بند کر دینی چاہیے۔

یہ بھی پڑھی:غزہ جنگ میں اسرائیل کے لیے امریکی حمایت کے تین ستون

الجزیرہ کی رپورٹ کے مطابق، سینڈرز نے برطانوی روزنامہ گارڈین سے گفتگو کرتے ہوئے کہا کہ نیتن یاہو کی کابینہ غزہ کے شہریوں کے قتل عام اور انہیں فاقہ کشی کا شکار بنانے کی مرتکب ہے، اور امریکہ کو ایسی حکومت کی حمایت نہیں کرنی چاہیے۔

سینڈرز نے فاکس نیوز میں شائع ایک تجزیاتی یادداشت میں امریکی پالیسیوں پر مزید تنقید کی، ان کے بقول امریکہ کو کسی صورت ایران کے ساتھ جنگ کی طرف نہیں جانا چاہیے۔

انہوں نے واضح کیا کہ ڈونلڈ ٹرمپ کی جانب سے ایران پر حملے کا حکم قانونی جواز سے محروم تھا کیونکہ اسے کانگریس کی منظوری حاصل نہیں تھی۔ سینڈرز نے زور دیا کہ ایران، امریکہ کے لیے کسی حقیقی فوجی خطرے کی نمائندگی نہیں کرتا،کوئی سنجیدہ مبصر ایران کو امریکہ کے لیے خطرہ نہیں سمجھتا۔

برنی سینڈرز نے نیتن یاہو کی سابقہ جنگ پسندانہ پالیسیوں کا حوالہ دیتے ہوئے کہا کہ نیتن یاہو نے 2003 میں عراق پر امریکی حملے کی حمایت کی تھی، جس کے تباہ کن نتائج آج بھی سامنے ہیں،اس لیے اس کی موجودہ پالیسیوں کو امریکہ کی خارجہ پالیسی کی سمت متعین نہیں کرنی چاہیے۔

مزید پڑھیں:امریکی حمایت میں غزہ میں تاریخ کی سب سے بڑی نسل کشی

سینڈرز کی یہ کھلی تنقید اس وقت سامنے آئی ہے جب عالمی برادری اسرائیلی مظالم پر سوالات اٹھا رہی ہے،ان کا بیان اس بات کی علامت ہے کہ امریکہ کے اندر بھی اسرائیل کی اندھی حمایت پر نظر ثانی کی آوازیں ابھر رہی ہیں۔