سچ خبریں:غزہ جنگ کے خلاف طلبہ کے احتجاجی مظاہروں پر امریکی حکومت کے سخت ردعمل کے بارے میں انسداد دہشت گردی قوانین کی خلاف ورزی کا جائزہ لیا جا رہا ہے۔
الجزیرہ کے مطابق امریکی محکمہ انصاف نے اعلان کیا ہے کہ وہ کولمبیا یونیورسٹی میں غزہ جنگ کے خلاف ہونے والے احتجاجی مظاہروں کی قانونی جانچ کر رہا ہے تاکہ یہ معلوم کیا جا سکے کہ آیا ان مظاہروں میں امریکہ کے انسداد دہشت گردی قوانین کی خلاف ورزی کی گئی ہے یا نہیں۔
یہ بھی پڑھیں:امریکی یونیورسٹیوں میں احتجاج کی لہر
اس معاملے پر امریکی نائب اٹارنی جنرل ٹاد بلانش نے کہا کہ ہم اس بات کا بھی جائزہ لے رہے ہیں کہ آیا یونیورسٹی انتظامیہ نے مظاہروں سے متعلق گزشتہ برس شہری حقوق کے قوانین کی خلاف ورزی کی ہے؟
یہ تحقیقات کافی پہلے ہونی چاہیے تھیں، اب ہم اس معاملے کو ہر زاویے سے جانچ رہے ہیں، تاکہ یونیورسٹی انتظامیہ کی ممکنہ کوتاہیوں کا تعین کیا جا سکے۔
ٹاد بلانش نے مزید کہا کہ وفاقی ایجنسیوں نے آج کولمبیا یونیورسٹی میں تلاشی کا حکم نامہ بھی جاری کیا ہے،یہ جانچ ایک علیحدہ تحقیقات کا حصہ ہے، جس میں یہ دیکھا جا رہا ہے کہ آیا یونیورسٹی نے غیر قانونی تارکین وطن کو اپنے احاطے میں پناہ دی ہے۔
کولمبیا یونیورسٹی میں گزشتہ برس غزہ پر اسرائیلی حملوں اور فلسطینی عوام پر ہونے والے مظالم کے خلاف بڑے پیمانے پر احتجاجی مظاہرے کیے گئے تھے۔
ان مظاہروں نے امریکی حکومت اور یونیورسٹی انتظامیہ کو مشکل میں ڈال دیا تھا، اور مختلف حلقوں کی جانب سے ان مظاہروں پر متضاد ردعمل سامنے آیا تھا۔
امریکی آئین کی پہلی ترمیم میں آزادیٔ بیان کو یقینی بنایا گیا ہے، مگر صہیونی لابی اس وقت ہر ممکن طریقے سے غزہ میں اسرائیلی جارحیت کے خلاف مظاہروں کو دبانے میں مصروف ہے۔
ٹرمپ انتظامیہ بارہا اعلان کر چکی ہے کہ وہ اسرائیل کے خلاف کسی بھی قسم کی تنقید کو برداشت نہیں کرے گی، اور تعلیمی اداروں میں ایسے مظاہروں پر سخت کارروائی کی جائے گی۔
ہم ان غیر ملکی طلبہ کو ملک بدر کر دیں گے، جو اسرائیل کے خلاف احتجاج میں شامل ہوئے اور غزہ میں فلسطینیوں کی نسل کشی کی مذمت کی۔
Short Link
Copied
مشہور خبریں۔
فضل الرحمان کو فنڈنگ کا حساب کتاب دینا پڑے گا: وزیراعظم
جنوری
سعودی عرب میں ایک بار پھر بن سلمان کے مخالفین کی شامت
اپریل
عوام سے لاتعلق نہیں ہیں ان کی پریشانیوں کا احساس ہے
جنوری
کیا مصر بھی برکس میں شامل ہونے والا ہے؟
اگست
امریکہ یمن میں وہی کر رہا ہے جو اسرائیل غزہ میں
جنوری
صہیونی جنگی کابینہ میں استعفوں کے اسٹریٹجک نتائج
جون
صیہونی قابض حکومت کے ہاتھوں بیت المقدس کا ایک ہسپتال مسمار
جنوری
اسلاموفوبیا کے خلاف وزیر اعظم کی تقاریر پر مبنی ویڈیو ریلیز ہوگئی
جنوری