امریکہ کی خارجہ پالیسی نتین یاہو کے اشاروں پر نہیں چلنی چاہیے:برنی سینڈرز

سچ خبریں:امریکی سینیٹر برنی سینڈرز نے خبردار کیا ہے کہ امریکہ کو ایران کے خلاف جنگ کی طرف نہیں جانا چاہیے اور اسرائیلی وزیرِاعظم نتین یاہو کو امریکی خارجہ پالیسی پر اثرانداز ہونے کی اجازت نہیں دی جا سکتی،سینڈرز نے اسرائیلی مظالم اور انسانی حقوق کی خلاف ورزیوں پر عالمی برادری سے ٹھوس موقف اختیار کرنے کا مطالبہ کیا ہے۔

امریکہ کے معروف ترقی پسند سینیٹر برنی سینڈرز نے اسرائیل کے بڑھتے ہوئے اثر و رسوخ پر شدید تنقید کرتے ہوئے کہا ہے کہ بنیامین نتین یاہو کو امریکہ کی خارجہ پالیسی کی سمت متعین کرنے کی اجازت نہیں دی جا سکتی۔

یہ بھی پڑھیں: امریکہ کیوں بغیر چوں چرا کے صیہونیوں کی حمایت کرتا ہے؟

انہوں نے فاکس نیوز میں شائع ہونے والے اپنے ایک تجزیاتی مضمون میں خبردار کیا کہ امریکہ کو ایران کے ساتھ جنگ کی طرف نہیں جانا چاہیے،برنی سینڈرز نے اس بات پر زور دیا کہ سابق صدر ڈونلڈ ٹرمپ کا ایران پر حملے کا فیصلہ غیر قانونی تھا، ان کے بقول:

ٹرمپ کے پاس کانگریس کی منظوری کے بغیر ایران پر حملے کا کوئی قانونی اختیار نہیں تھا، جبکہ ایران امریکہ کے لیے کوئی عسکری خطرہ نہیں ہے،سینڈرز نے واضح الفاظ میں کہا کہ کسی بھی سنجیدہ مبصر کے نزدیک ایران، امریکہ کے لیے کوئی حقیقی فوجی خطرہ نہیں ہے۔

انہوں نے یاد دلایا کہ نتین یاہو نے 2003 میں امریکہ کو عراق پر حملے کے لیے بھی اکسایا تھا، جس کے نتائج آج بھی دنیا بھگت رہی ہے۔ سینڈرز کے مطابق، ایسے افراد کی پالیسیاں واشنگٹن کے فیصلوں پر اثر انداز نہیں ہونی چاہئیں۔

مزید پڑھیں: غزہ جنگ میں صیہونیوں کو ہتھیار فراہم کرنے والے ممالک

سینیٹر برنی سینڈرز نے فلسطینی عوام کے خلاف صہیونی فوج کی منظم اور وسیع تباہی کی شدید مذمت کرتے ہوئے عالمی برادری سے مطالبہ کیا کہ وہ مقبوضہ علاقوں میں انسانی حقوق کی کھلی خلاف ورزیوں پر فیصلہ کن موقف اختیار کرے۔