امریکی اور برطانوی جنگی طیاروں کا یمن کی فضائی حدود سے فرار

24 دسمبر 2024

سچ خبریں:یمن کی مسلح افواج نے ایک منفرد کارروائی کرتے ہوئے امریکی ایف-18 جنگی طیارے کو مار گرایا

یمن کے اسٹریٹجک امور کے ماہر عبدالسلام سفیان نے یمن کی مسلح افواج کی جانب سے امریکی ایف-18 جنگی طیارے کو مار گرانے کی منفرد کارروائی پر تبصرہ کیا ہے۔

یہ بھی پڑھیں: بحیرہ احمر میں امریکی جنگی طیارے کے ساتھ کیا ہوا؟

المعلومہ نیوز ایجنسی کی رپورٹ کے مطابق یمن کے اسٹریٹجک امور کے ماہر عبدالسلام سفیان کا کہنا ہے کہ پانچویں نسل کے ایف-18 جنگی طیارے کو مار گرانا یمن کی مسلح افواج کی جانب سے ایک منفرد اور غیر معمولی کارروائی شمار ہوتی ہے۔

انہوں نے مزید کہا کہ یہ کارروائی امریکہ اور برطانیہ کی جانب سے یمن پر شروع کی گئی جارحیت کے خلاف ایک پیشگی حملے کے طور پر کی گئی، جس کے دوران امریکی بحری بیڑے یو ایس ایس ہیری ٹرومین کو بھی نشانہ بنایا گیا۔

سفیان نے کہا کہ یمن کی مسلح افواج نے دشمن کے جنگی طیاروں کو اپنی فضائی حدود سے نکلنے پر مجبور کر دیا اور یہ طیارے بین الاقوامی پانیوں کی جانب، بحیرہ احمر میں فرار ہو گئے۔

مزید پڑھیں: بحیرہ احمر میں طاقت کا مظاہرہ؛ آئزن ہاور کو یمنیوں نے کیسے بھگایا ؟

انہوں نے مزید کہا کہ ہماری جنگ صیہونی دشمن کے ساتھ جاری ہے، جو لبنان اور شام کے خلاف اپنی وہم و خیال میں مگن ہے۔

یاد رہے کہ یمن کی مسلح افواج کے ترجمان یحییٰ سریع نے حالیہ دنوں میں اعلان کیا تھا کہ یمن نے ایک امریکی ایف-18 جنگی طیارے کو مار گرایا ہے۔