ترکی کی عراق کے اندر بڑھتی ہوئی سرگرمیاں؛عراقی رکن پارلیمان کا پر انتباہ

سچ خبریں:عراقی پارلیمان میں فتح اتحاد کے رکن نے ترکی کی عراق کے اندر بڑھتی ہوئی سرگرمیوں پر شدید تشویش کا اظہار کرتے ہوئے کہا کہ ترکی عراق میں الجولانی ماڈل کو دہرانا چاہتا ہے

عراقی پارلیمان میں فتح اتحاد کے رکن فاضل المسلماوی نے ترکی کی عراق کے اندر بڑھتی ہوئی سرگرمیوں پر شدید تشویش کا اظہار کرتے ہوئے اسے عراق کی خودمختاری اور قومی سلامتی کے خلاف خطرناک سازش قرار دیا ہے۔

یہ بھی پڑھیں:کیا ترکی عراق میں شام کے منظر نامے کو دہرانا چاہتا ہے؟

المعلومه خبر رساں ادارے کی رپورٹ کے مطابق عراقی پارلیمان میں فتح اتحاد کے رکن فاضل  المسلماوی نے خبردار کیا کہ ترکی شام پر قابص دہشت گرد تنظیم ابومحمد الجولانی رہنما کی شبیہ کو سیاسی مقاصد کے لیے نئے انداز میں نمایاں کرنے کی کوشش کر رہا ہے۔

المسلماوی نے کہا کہ ترکی الجولانی کے دہشت گردانہ چہرے کو بدل کر اسے ایک سیاسی چہرہ دینے کی کوشش کر رہا ہے تاکہ اپنے مفادات کو تحفظ دے سکے۔

ان کا کہنا تھا کہ ترکی نہ صرف عراق کی سیاسی خودمختاری کا احترام نہیں کر رہا بلکہ کھلم کھلا ہمارے داخلی معاملات میں مداخلت کر رہا ہے، جو کہ بین الاقوامی اصولوں کی خلاف ورزی ہے۔

المسلماوی نے خبردار کیا کہ ترکی کی جانب سے عراق کے اندر جاری فوجی کارروائیاں، جو بظاہر دہشت گردی کے خلاف کی جا رہی ہیں، درحقیقت ایک توسیع پسندانہ ایجنڈے کا حصہ ہیں، جس کا مقصد عراق کے استحکام اور سلامتی کو نقصان پہنچانا ہے۔

انہوں نے مزید کہا کہ ترکی الجولانی ماڈل کو عراق میں دہرانے کی کوشش کر رہا ہے۔ یہ ایک ایسا قدم ہے جو ہماری خودمختاری اور قومی سلامتی کے لیے براہ راست خطرہ بن چکا ہے۔

مزید پڑھیں:عراق میں تحلیل شدہ بعث پارٹی کی بحالی کے لیے امریکہ اور ترکی کی خفیہ سرگرمیاں

عراقی پارلیمنٹ کے اس بیان سے واضح ہوتا ہے کہ عراق کی اعلیٰ سیاسی قیادت ترکی کی فوجی اور سیاسی مداخلت کو سنجیدگی سے دیکھ رہی ہے۔ الجولانی جیسے متنازعہ کردار کو ایک قابل قبول سیاسی چہرہ بنا کر پیش کرنا نہ صرف علاقائی سیاست میں خطرناک تبدیلی لائے گا، بلکہ یہ عراقی سرزمین پر ممکنہ غیر ملکی اثر و نفوذ کی راہ بھی ہموار کر سکتا ہے۔