ترکی نے چیئرمین جوائنٹ چیفس آف اسٹاف کمیٹی جنرل ندیم رضا کو اہم اعزاز سے نواز دیا

ترکی نے چیئرمین جوائنٹ چیفس آف اسٹاف کمیٹی جنرل ندیم رضا کو اہم اعزاز سے نواز دیا

?️

استنبول (سچ خبریں) ترکی نے چیئرمین جوائنٹ چیفس آف اسٹاف کمیٹی جنرل ندیم رضا کو اہم اعزاز سے نواز دیا ہے۔

تفصیلات کے مطابق ترکی کی مسلح افواج کی جانب سے چیئرمین جوائنٹ چیفس آف اسٹاف کمیٹی جنرل ندیم رضا کو دونوں ممالک کے درمیان دفاعی تعلقات میں فروغ کے لیے ان کی خدمات پر اعلیٰ فوجی اعزاز لیجَن آف میرٹ سے نوازا گیا۔

ترک نیوز ایجنسی انادولو کی رپورٹ میں پاکستانی سفارتخانے سے جاری بیان کے حوالے سے کہا گیا کہ دارالحکومت انقرہ میں منعقدہ تقریب میں ترکی کے چیف آف جنرل اسٹاف جنرل یاسر غولیر نے جنرل ندیم رضا کو اس اعزاز سے نوازا۔

ترکی کے سرکاری دورے پر موجود جنرل ندیم رضا کو یہ ایوارڈ پاکستان اور ترکی کے درمیان دفاعی تعلقات میں فروغ کے لیے ان کی مایہ ناز خدمات کے اعتراف میں دیا گیا۔

بیان میں کہا گیا کہ دونوں کمانڈرز نے تفصیلی ملاقات کی جس میں باہمی دلچسپی کے امور، جیو اسٹریٹیجک صورتحال اور سیکیورٹی چیلنجز پر تبادلہ خیال کیا گیا’۔

سفارتخانے نے کہا کہ فریقین نے دونوں بردارانہ ممالک کی مسلح افواج کے درمیان تعاون کو مزید بڑھانے کے عزم کا اعادہ کیا۔

اپنے دورے کے دوران جنرل ندیم رضا نے ترکی کے قومی دفاع کے وزیر ہلوسی آکار، بری فورسز کے جنرل اُمیت دُندار، ترک نیوی کے کمانڈر ایڈمرل عدنان عُزبال، ترک فضائیہ کے سربراہ جنرل حسن کوچوکایوز اور ترکی کی دفاعی صنعتوں کے سربراہ اسمٰعیل دیمیر سے ملاقاتیں کیں۔

بیان میں مزید کہا گیا کہ پاکستان کے عسکری وفد نے بیکار سمیت ترک دفاعی صنعتوں کے مختلف حصوں کا دورہ بھی کیا، بیکار جدید ڈرون ٹیکنالوجی کے باعث مشہور ہے۔

عسکری وفد نے کیکیورین، انقرہ میں اے پی ایس (آرمی پبلک اسکول) شہدا پارک کا بھی دورہ کیا اور دسمبر 2014 میں پشاور میں دہشت گردی کے خوفناک حملے میں شہید ہونے والے پاکستانی اسکول کے طلبہ کو خراج عقیدت پیش کیا۔

آرمی پبلک اسکول حملے کے شہدا کی یاد میں کیکیورین میونسپلٹی نے اے پی ایس میموریل پارک قائم کیا تھا جہاں شہدا کی یاد میں 144 درخت لگائے گئے تھے۔

مشہور خبریں۔

بحیرہ احمر میں امریکہ اور برطانیہ کی حالت زار

?️ 6 فروری 2024سچ خبریں: یمنی مسلح افواج کے ترجمان نے بحیرہ احمر میں دو

غزہ میں جنگ سے فرار ہونے والے سخت بحران مین مبتلا 

?️ 2 جنوری 2024سچ خبریں:کنیسٹ کے ممبر مکی لیوی کی زیر صدارت ہونے والے اس

پاکستان کا ہر فرد اگر درخت لگائے تو بہت بڑا انقلاب ہو گا

?️ 26 جولائی 2021اسلام آباد(سچ خبریں) وزیر اعظم عمران خان نے کہا ہے کہ ہر

ایلون مسک کا انگلینڈ میں سیاسی کارکن کی رہائی کا مطالبہ

?️ 3 جنوری 2025سچ خبریں: ڈونلڈ ٹرمپ کے امریکی ارب پتی بااعتماد ایلون مسک کی

پوٹن کا قتل بائیڈن انتظامیہ کا موقف نہیں ہے:وائٹ ہاؤس

?️ 5 مارچ 2022سچ خبریں:   تجربہ کار امریکی سینیٹر لنڈسے گراہم کو روسی صدر ولادیمیر

اقوام کو ایران سے استکبار کے خلاف مزاحمت کا راستہ سیکھنا چاہئے: لیاقت بلوچ

?️ 3 نومبر 2021اسلام آباد(سچ خبریں) جماعت اسلامی پاکستان کے نائب صدر نے کہا کہ

ہندوستانی عہدہ دار کے ہاتھوں توہین رسالت پر عالم اسلام کا ردعمل

?️ 9 جون 2022سچ خبریں:ہندوستان کی حکمراں جماعت بی جے پی کے ایک عہدہ دار

’سپریم کورٹ کے کہنے پر قانون سازی ہوگی تو پارلیمنٹ کی آئینی بالادستی ختم‘

?️ 17 اپریل 2023اسلام آباد: (سچ خبریں) اسپیکر قومی اسمبلی راجا پرویز اشرف نے کہا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے