ٹرمپ کی روس اور چین کو فوجی حملے کی دھمکی؛سی این این کا انکشاف 

سچ خبریں:سی این این نے ایک لیک آڈیو جاری کی ہے جس میں ڈونلڈ ٹرمپ نے دعویٰ کیا کہ روس کے صدر پیوٹن اور چین کو یوکرین و تائیوان پر حملے کی صورت میں بمباری کی دھمکی دی تھی،ٹرمپ نے مزید کہا کہ فلسطین حامی طلبہ کی تحریکوں کو بھی سختی سے کچلنے کا وعدہ کیا۔

امریکی چینل سی این این نے ایک آڈیو فائل نشر کی ہے جو سابق صدر ڈونلڈ ٹرمپ سے منسوب ہے، جس میں وہ اپنے حامی مالی سپورٹرز کے ساتھ ایک نشست کے دوران 2024 میں کہتے ہیں کہ انہوں نے روسی صدر ولادیمیر پیوٹن کو یوکرین پر حملے کی صورت میں ماسکو پر بمباری کی دھمکی دی تھی۔

یہ بھی پڑھیں:نیٹو کی روس کو دھمکی

آڈیو میں ٹرمپ کا کہنا ہے میں نے پیوٹن سے کہا، اگر تم یوکرین میں داخل ہوئے تو میں ماسکو پر بمباری کروں گا، میرے پاس اور کوئی راستہ نہیں تھا، پیوٹن نے جواب دیا کہ اسے یقین نہیں آتا۔

ٹرمپ نے مزید کہا کہ اس نے چین کے صدر کو بھی تائیوان پر حملہ کرنے کی صورت میں یہی دھمکی دی میں نے چین سے کہا، اگر تم تائیوان پر حملہ کرو گے تو امریکہ بیجنگ پر بمباری کرے گا، چینی صدر کو لگا میں پاگل ہوں!

اس نشست میں ٹرمپ نے مالی حمایت بڑھانے کے لیے وعدہ کیا کہ وہ ہر فلسطین حامی احتجاجی طالب علم کو ملک بدر کر دیں گے اور یونیورسٹیوں میں فلسطین کے حق میں ہونے والی ریلیوں کو سختی سے کچلیں گے۔

مزید پڑھیں:ہم کسی کو بھی روس کو دھمکی دینے کی اجازت نہیں دیں گے: پیوٹن

انہوں نے یہ بھی دعویٰ کیا کہ ایک امیر شخص، جو ان کے ساتھ صرف ایک دوپہر کے کھانے کے لیے ایک ملین ڈالر دینے کو تیار تھا، اس کو قائل کیا کہ وہ یہ رقم 25 ملین ڈالر کر دے!