عالمی میڈیا میں ایران کی کامیابیوں کی رپورٹنگ پر ٹرمپ سخت برہم

?️ 13 مئی 2026

سچ خبریں:امریکی صدر ڈونلڈ ٹرمپ نے ایران کی فوجی کامیابیوں سے متعلق عالمی میڈیا رپورٹس پر شدید ردعمل دیتے ہوئے صحافیوں کو تنقید کا نشانہ بنایا اور ایسی رپورٹنگ کو امریکہ سے غداری قرار دیا۔

امریکی صدر ڈونلڈ ٹرمپ نے ایران کے بارے میں عالمی میڈیا میں شائع ہونے والی ان رپورٹس پر شدید برہمی کا اظہار کیا ہے جن میں جنگ کے دوران ایران کی مبینہ کامیابیوں کا ذکر کیا گیا ہے۔

ٹرمپ نے ان رپورٹوں اور مضامین کو تنقید کا نشانہ بناتے ہوئے کہا کہ ان کے مطابق ایسی رپورٹنگ امریکہ کے ساتھ خیانت کے مترادف ہے۔ ان کا کہنا تھا کہ وہ لکھنے والے افراد کو احمق اور نمک حرام سمجھتے ہیں۔

ٹرمپ نے اپنے سوشل میڈیا پلیٹ فارم پر لکھا کہ جب جھوٹی میڈیا یہ کہتا ہے کہ ایرانی دشمن نے ہمارے خلاف فوجی میدان میں اچھا مظاہرہ کیا ہے تو یہ دراصل امریکہ کے ساتھ خیانت ہے۔

امریکی صدر نے اپنی سابقہ دعوؤں کو دہراتے ہوئے کہا کہ ایران کی فوجی طاقت تباہ ہو چکی ہے اور اس کی بحریہ بھی اب موجود نہیں ہے۔

انہوں نے ان تجزیہ کاروں اور صحافیوں کو بھی تنقید کا نشانہ بنایا جو ان کے بیانیے سے اتفاق نہیں کرتے، اور انہیں ایسے امریکی جو اپنے ہی ملک کے خلاف کھڑے ہیں قرار دیا۔