ایران پر حملے کے لیے نیتن یاہو کو ٹرمپ کا صاف انکار؛نیویارک ٹائمز کا انکشاف 

سچ خبریں:نیویارک ٹائمز نے انکشاف کیا ہے کہ امریکی صدر ڈونلڈ ٹرمپ نے صیہونیہ وزیر اعظم بنیامین نیتن یاہو کو ایران پر حملے کی حمایت کرنے کے لیے صاف انکار کر دیا ہے۔

معروف امریکی اخبار نیویارک ٹائمز نے انکشاف کیا ہے کہ ڈونلڈ ٹرمپ نے اسرائیلی وزیر اعظم بنیامین نیتن یاہو کو صاف طور پر آگاہ کر دیا ہے کہ امریکہ ایران پر کسی بھی قسم کے حملے کی حمایت نہیں کرے گا۔

یہ بھی پڑھیں:نیتن یاہو وائٹ ہاؤس سے خالی ہاتھ واپس

یہ رپورٹ نیویارک ٹائمز کے حوالے سے الجزیرہ نیوز چینل پر نشر ہوئی ہے جس میں کہا گیا ہے کہ متعدد امریکی حکام نے تصدیق کی ہے کہ ٹرمپ نے یہ فیصلہ ایران کے ساتھ سفارتی مذاکرات کی کوششوں کے تحت کیا ہے۔

نیویارک ٹائمز کے مطابق، جن امریکی حکام نے اس مؤقف کی تصدیق کی ہے ان کے نام ظاہر نہیں کیے گئے، لیکن انہوں نے واضح کیا کہ ٹرمپ کی پالیسی ایران کے ساتھ سفارتی مکالمے پر مرکوز ہے، اور وہ کسی عسکری مہم جوئی میں ملوث نہیں ہونا چاہتے۔

تجزیہ کاروں کے مطابق، صیہونی وزیر اعظم نیتن یاہو کی ایران مخالف جنگی حکمت عملی، جس میں وہ ہمیشہ امریکی ساتھ کی توقع رکھتے تھے، سیاسی حقیقت سے زیادہ ایک وہم ثابت ہو رہی ہے۔

مزید پڑھیں:ٹرمپ نے زیلنسکی سے زیادہ نیتن یاہو کو کیا ذلیل

یہ انکشاف ایسے وقت پر سامنے آیا ہے جب امریکہ اور ایران کے درمیان غیر مستقیم مذاکرات جاری ہیں، اور واشنگٹن میں اس بات پر غور ہو رہا ہے کہ ایران کے ساتھ طاقت کی بجائے بات چیت کا راستہ اختیار کیا جائے۔