دھمکیوں سے کچھ نہیں ہونے والا:شمالی کوریا کا امریکہ کو انتباہ 

سچ خبریں:شمالی کوریا کے دفاعی وزارت کے ایک عہدے دار نے امریکہ کو پیونگ یانگ کے خلاف مسلسل فوجی دھمکیوں کے بارے میں خبردار کیا ہے۔  

روئٹرز نیوز ایجنسی کی رپورٹ کے مطابق شمالی کوریا کی مرکزی خبر ایجنسی (KCNA) کا کہنا ہے کہ اس ملک کے دفاعی وزارت کے ایک عہدے دار کا کہنا ہے کہ امریکا کو پیونگ یانگ کے خلاف اپنی فوجی دھمکیوں کو ختم کرنا چاہیے۔

یہ بھی پڑھیں: کیا شمالی کوریا کے 10 ہزار فوجی یوکرین جنگ میں شامل ہونے والے ہیں؟امریکی وزیر دفاع کا دعویٰ

رپورٹ کے مطابق، شمالی کوریا کے دفاعی وزارت کے عہدے دار نے کہا کہ اگر امریکہ اپنی سلامتی کے بارے میں فکرمند ہے، تو اسے اپنے دھمکی آمیز لہجے کو ترک کرنا چاہیے۔

KCNA کی رپورٹ میں امریکہ کے شمالی کمانڈ کے سربراہ کے اس بیان کا حوالہ دیا گیا ہے جس میں شمالی کوریا کے بین البراعظمی بیلسٹک میزائل کی صلاحیت اور امریکی سرزمین تک پہنچنے کی اس کی قابلیت کا ذکر کیا گیا تھا۔

مزید پڑھیں:شمالی کوریا کے رہنما کا بڑے پیمانے پر خودکش ڈرونز کی تیاری کا حکم

رپورٹ کے مطابق، یہ امریکہ ہے جو جنوبی کوریا کے ساتھ مل کر فوجی مشقوں کی منصوبہ بندی اور جزیرہ نما کوریا میں جوہری آبدوز بھیج کر جارحانہ رویہ اختیار کر رہا ہے، جبکہ شمالی کوریا کو اپنی دفاعی صلاحیتوں کو بہتر بنانے کا حق حاصل ہے۔