صیہونی شہریوں کا پناہ گاہوں کی طرف بھاگنا ناقابلِ یقین ہے:سابق صیہونی وزیر جنگ 

سچ خبریں:سابق صیہونی وزیر جنگ آویگدور لیبرمن نے یمن کے میزائل و ڈرون حملوں پر ردعمل کا اظہار کرتے ہوئے کہا کہ جنگ کے ایک سال سات ماہ بعد اسرائیلی شہریوں کا پناہ گاہوں میں جانا حیرت انگیز ہے۔

المسیرہ نیوز چینل کی رپورٹ کے مطابق اسرائیل کے سابق وزیر جنگ اور کنسٹ کے رکن آویگدور لیبرمن نے یمن کی جانب سے تل ابیب اور بن گورین ایئرپورٹ پر ہونے والے حملوں کے بعد شدید ردعمل کا اظہار کرتے ہوئے کہا ہےکہ جنگ کے آغاز کے ایک سال اور سات ماہ بعد یہ بات ناقابلِ یقین ہے کہ لاکھوں اسرائیلیوں کو پھر سے پناہ گاہوں کا رخ کرنا پڑا۔

یہ بھی پڑھیں: یمن کے بیلسٹک میزائل حملے کی انفرادیت؛اسرائیل کے دل پر کاری وار

یہ بیان اس وقت سامنے آیا جب یمن کی مسلح افواج کے ترجمان یحیی سریع نے اعلان کیا کہ انہوں نے بن گوریون ایئرپورٹ کو ایک بیلسٹک مافوق الصوت میزائل سے اور تل ابیب کو یافا ڈرون سے نشانہ بنایا ہے۔

یحیی سریع نے مزید کہا کہ  یہ کارروائی غزہ پر صہیونی جارحیت کے خلاف ردعمل اور فلسطینی عوام کی حمایت میں کی گئی،اسرائیلی فضائی نظام میزائل کو روکنے میں ناکام رہا اور اس سے ایئرپورٹ پر پروازیں معطل ہو گئیں۔

 یمنی افواج نے عالمی ایئرلائنز کو دوبارہ خبردار کیا ہے کہ وہ مقبوضہ فلسطین کے لیے اپنی پروازیں فوری بند کریں۔

مزید پڑھیں: یمن کی مزاحمتی کارروائیاں اور صیہونیوں کی بے بسی

انہوں نے زور دیا کہ جب تک غزہ پر حملے بند نہیں ہوتے اور محاصرہ ختم نہیں ہوتا، اسرائیل پر فضائی و بحری محاصرہ جاری رہے گا۔