پارلیمانی انتخابات کے بارے میں انتخابات عراقی وزیر داخلہ کا بیان

?️ 10 نومبر 2025

سچ خبریں:عراق کے وزیر داخلہ عبدالامیر الشمری نے اعلان کیا ہے کہ خصوصی پارلیمانی انتخابات ملک بھر میں پرسکون اور محفوظ ماحول میں جاری ہیں اور ووٹنگ مراکز شام 6 بجے تک کھلے رہیں گے۔

الجبال خبری ویب سائٹ کی رپورٹ کے مطابق عراق کے وزیر داخلہ نے اعلان کیا ہے کہ پارلیمانی انتخابات کا عمل ملک بھر میں بالکل محفوظ، منظم اور روانی کے ساتھ جاری ہے اور ووٹنگ مراکز شام 6 بجے تک کھلے رہیں گے۔

یہ بھی پڑھیں:عراقی پارلیمانی انتخابات کے لیے پارٹیوں اور اتحادیوں کی طرف سے امیدواروں کی تعداد

رپورٹ کے مطابق، عراقی وزیر داخلہ عبدالامیر الشمری نے اس بات کی تصدیق کی کہ خصوصی انتخابات کا عمل نہ صرف بغداد بلکہ تمام صوبوں میں آرام دہ اور منظم انداز میں آگے بڑھ رہا ہے اور ووٹنگ مراکز مکمل طور پر محفوظ ہیں۔

یہ بیان اس وقت سامنے آیا جب عراقی وزیر داخلہ نے بغداد کے ایک انتخابی مرکز کا دورہ کیا اور اپنا ووٹ ڈالا، انہوں نے صحافیوں سے گفتگو کرتے ہوئے کہا کہ خصوصی ووٹنگ کا عمل تمام علاقوں میں بغیر کسی رکاوٹ کے جاری ہے، اور سکیورٹی اہلکاروں، افسران اور دیگر عملے کو منظم گروپوں کی صورت میں مراکز تک پہنچایا جا رہا ہے۔

انہوں نے کہا کہ ووٹنگ کا سلسلہ شام 6 بجے تک جاری رہے گا اور تمام اہل افراد کو مراکز پر جانے اور اپنا حق رائے دہی استعمال کرنے کا موقع حاصل ہے۔

وزیر داخلہ نے مزید کہا کہ انتخابی مراکز کے اطراف سیکورٹی کی صورتحال مکمل طور پر قابو میں ہے اور تمام سرگرمیاں طے شدہ منصوبے کے مطابق جاری ہیں، انہوں نے بتایا کہ سیکیورٹی اداروں، افسران، مراکز کے حفاظتی عملے اور الیکشن کمیشن کے درمیان بھرپور ہم آہنگی موجود ہے۔

آج صبح سے انتخابی مراکز کے دروازے سیکورٹی فورسز، انتخابی مراکز کے محافظ عملے، مسلح افواج کے اہلکاروں، قیدیوں اور اسپتالوں کے مریضوں کے لیے کھول دیے گئے، جنہیں عام پارلیمانی انتخابات کے دوران 11نومبر کو ڈیوٹی انجام دینی ہے۔

مزید پڑھیں:عراقی پارلیمانی انتخابات؛ عمومی ساخت اور اس کی اہمیت کی وجوہات

خصوصی ووٹنگ شام 6 بجے مکمل ہو جائے گی، جب کہ کل بروز منگل 11 نومبر عام انتخابات کا باقاعدہ انعقاد ہوگا، جس سے قبل انتخابی خاموشی کا مرحلہ گزشتہ روز سے جاری ہے۔