سعودی عرب کی اسرائیل کے ساتھ تعلقات کی بحالی کی شرط

سچ خبریں:سعودی ذرائع کے مطابق، اگر اسرائیل فلسطینی اتھارٹی کے ساتھ غزہ پر معاہدہ کر لے تو ریاض اور تل ابیب کے درمیان تعلقات کی بحالی دوبارہ مذاکرات کے ایجنڈے پر آ سکتی ہے، اس سے قبل سعودی عرب نے فلسطینی ریاست کے قیام کو تعلقات کی شرط قرار دیا تھا۔

سعودی عرب اور اسرائیل کے درمیان تعلقات کی ممکنہ بحالی ایک بار پھر عالمی توجہ کا مرکز بن گئی ہے، عربی ذرائع ابلاغ کے مطابق، ایک سعودی ذرائع نے دعویٰ کیا ہے کہ اگر اسرائیل فلسطینی اتھارٹی کے ساتھ غزہ کے معاملے پر کسی معاہدے پر پہنچ جائے، تو ریاض تل ابیب سے تعلقات کی بحالی پر دوبارہ غور کر سکتا ہے۔

یہ بھی پڑھیں:سعودی عرب اسرائیل کے ساتھ تعلقات رکھنا کیوں نہیں چاہتا؟

یہ رپورٹ لبنانی نشریاتی ادارے المیادین نے عبری میڈیا کے حوالہ سے جاری کی ہے، جس میں سعودی ذرائع کے حوالے سے بتایا گیا ہے کہ یہ نئی شرط تعلقات کی بحالی کو مذاکرات کی میز پر واپس لانے کا سبب بن سکتی ہے۔

یہ بات اس پس منظر میں سامنے آئی ہے کہ اس سے پہلے سعودی حکام واضح کر چکے تھے کہ وہ صرف فلسطینی ریاست کے قیام کی صورت میں ہی اسرائیل کے ساتھ تعلقات معمول پر لائیں گے۔

اسرائیل کی جانب سے اس معاملے پر سخت موقف سامنے آیا ہے۔ صہیونی وزیر خزانہ بتسلئیل اسموتریچ نے حال ہی میں عرب ممالک، خصوصاً سعودی عرب کو دھمکی آمیز لہجے میں کہا کہ یہ سعودی عرب ہے جسے اسرائیل کے ساتھ امن کے لیے قیمت ادا کرنی چاہیے۔

اسموٹریچ نے مزید کہا کہ ایسے خیالات جو فلسطینی ریاست کے قیام کے بدلے سعودی عرب سے امن معاہدے کی امید رکھتے ہیں، حقیقت سے بہت دور ہیں۔

مزید پڑھیں:اسرائیل اب بھی سعودی عرب اور واشنگٹن کے تعلقات میں مساوات سے باہر ہے

ان کے بقول ہمیں کسی کی ضرورت نہیں ہے،اس بیان سے اسرائیل کی جانب سے سخت گیر رویے کی تصدیق ہوتی ہے، جب کہ سعودی عرب اب اس معاملے کو غزہ کے حل سے مشروط کر رہا ہے ،ایک ایسا موضوع جو اسرائیلی حکومت کے لیے نہایت پیچیدہ اور حساس ہے۔