ٹرمپ کی تصویر والا 250 ڈالر کا نوٹ چھاپنے کی تجویز، ریپبلکن ارکان سرگرم

?️ 29 مئی 2026

سچ خبریں:امریکی حکومت ملک کے 250 ویں یوم تاسیس کے موقع پر ڈونلڈ ٹرمپ کی تصویر والے 250 ڈالر کے نوٹ کی تجویز پر غور کر رہی ہے۔ تاہم امریکی قانون زندہ شخصیات کی تصاویر کرنسی پر شائع کرنے کی اجازت نہیں دیتا۔

امریکہ کی حکومت اس ملک کے قیام کی ڈھائی سو سالہ سالگرہ کے موقع پر ڈنلڈ ٹرمپ کی تصویر والا 250 ڈالر کا نیا نوٹ جاری کرنے کی کوشش کر رہی ہے۔

امریکی وزارت خزانہ کے ترجمان کے مطابق امریکی حکومت اس بات پر غور کر رہی ہے کہ امریکہ کے 250 ویں یومِ تاسیس کی مناسبت سے 250 ڈالر کا ایک خصوصی نوٹ جاری کیا جائے جس پر ٹرمپ کی تصویر موجود ہو۔

رجمان نے کہا کہ اگر اس حوالے سے مجوزہ قانون منظور ہو جاتا ہے تو امریکی ادارہ برائے طباعت و نقاشی اس نوٹ کی چھپائی انجام دے گا۔

درحقیقت امریکی آئین اور موجودہ قوانین کے مطابق کسی زندہ شخصیت کی تصویر کو کرنسی نوٹ پر شائع کرنا قانونی طور پر ممنوع ہے۔ تاہم ریپبلکن پارٹی سے تعلق رکھنے والے کانگریس کے ایک رکن نے یہ تجویز پیش کی ہے کہ امریکہ کی ڈھائی سو سالہ تاریخ کی علامتی مناسبت سے موجودہ صدر کی تصویر نوٹ پر شائع کی جائے۔

یہ بل اس وقت کانگریس میں زیرِ التوا ہے اور بظاہر اس کی منظوری کے لیے زیادہ حمایت موجود نہیں دکھائی دیتی۔