پاپ کی جانب سے یوکرین امن مذاکرات کی میزبانی کی پیشکش

سچ خبریں:اٹلی کی وزیراعظم جورجیا میلونی نے اعلان کیا ہے کہ کیتھولک چرچ کے سربراہ پاپ لیو چاردھم نے یوکرین جنگ کے خاتمے کے لیے مذاکرات کی میزبانی کے لیے ویٹی کن میں آمادگی ظاہر کر دی ہے۔

روئٹرز خبر رساں ادارے کی رپورٹ کے مطابق اٹلی کی وزیراعظم جورجیا میلونی نے ایک بیان میں اعلان کیا ہے کہ کیتھولک چرچ کے سربراہ پاپ لیو چودھواں نے روس اور یوکرین کے درمیان جاری جنگ کے خاتمے کے لیے مذاکرات کی میزبانی کے لیے ویٹی کن میں اپنی آمادگی ظاہر کر دی ہے۔

یہ بھی پڑھیں:یوکرین جنگ عالمی جنگ ہے/ جلدی ختم نہیں ہونے والی:پوپ

رپورٹ کے مطابق، جورجیا میلونی نے کہا کہ منگل کے روز ایک ٹیلی فونک گفتگو میں پاپ لیو چودھواں نے انہیں یقین دلایا کہ وہ آئندہ مذاکرات کی میزبانی کے لیے تیار ہیں تاکہ روس اور یوکرین کے درمیان جنگ کا خاتمہ ممکن ہو سکے۔

میلونی نے کہا کہ اٹلی، پاپ لیو چاردھم کی امن کے لیے غیر متزلزل وابستگی اور ویٹی کن میں مذاکرات کی میزبانی کی آمادگی کو سراہتا ہے۔

یہ بیان امریکی صدر ڈونلڈ ٹرمپ اور روسی صدر ولادیمیر پیوٹن کے درمیان پیر کے روز ہونے والی بات چیت کے بعد سامنے آیا۔

 اٹلی کے وزیراعظم کے دفتر کے مطابق، میلونی نے ٹرمپ کے اس بیان کا خیر مقدم کیا جس میں انہوں نے پاپ لیو کی یوکرین اور روس کے درمیان امن مذاکرات کی میزبانی میں دلچسپی کا ذکر کیا تھا، تاہم، ویٹیکن نے فوری طور پر اس پیشکش کی تصدیق نہیں کی۔

واضح رہے کہ پاپ لیو چاردھم جو دو ہفتے قبل منتخب ہوئے ہیں، دنیا کے کیتھولک چرچ کے پہلے امریکی نژاد سربراہ ہیں، انہوں نے 14 مئی کو اپنی تقریر میں بغیر کسی ملک یا جنگ کا نام لیے کہا تھا کہ ویٹی کن عالمی تنازعات میں ثالثی کا کردار ادا کر سکتا ہے۔

ایک الگ بیان میں وزیراعظم میلونی نے کہا کہ وہ یوکرین کے صدر ولودیمیر زیلنسکی اور دیگر یورپی رہنماؤں سے آئندہ اقدامات کے حوالے سے مشاورت کر رہی ہیں۔

مزید پڑھیں:نئے پوپ کا عالمی طاقتوں کے لیے پہلا پیغام: مزید جنگ نہیں

بیان میں مزید کہا گیا ہے کہ یہ اتفاق کیا گیا کہ یوکرین میں جنگ بندی اور امن معاہدے کے لیے نئے مذاکرات کی تیاری کے سلسلے میں شرکاء کے درمیان قریبی ہم آہنگی برقرار رکھی جائے گی۔