فلسطینی مجاہدین کا صیہونیوں کے لیے وبال جان بننے والے ہتھیاروں کے ساتھ طاقت کا مظاہرہ

?️ 8 فروری 2025

سچ خبریں:فلسطینی مزاحمتی تنظیم عزالدین قسام بریگیڈ کے مجاہدین نے غزہ کے مرکزی علاقے دیرالبلح میں اسرائیلی قیدیوں کی حوالگی کے دوران اپنی جنگی طاقت کا بھرپور مظاہرہ کیا۔

قسام کے مجاہدین جدید اور مؤثر ہتھیاروں سے لیس ہو کر اس مقام پر پہنچے جہاں تین اسرائیلی قیدیوں کو حوالے کیا جانا تھا، جس نے صہیونی افواج میں خوف و ہراس پیدا کر دیا۔

یہ بھی پڑھیں: فلسطینی مجاہدین کی صیہونیوں پر کاری ضرب

المیادین کے مطابق، قسام کے مجاہدین نے جدید راکٹ لانچرز، آٹومیٹک ہتھیاروں اور یاسین مارٹر لانچرز کے ساتھ علاقے میں پوزیشن سنبھال رکھی تھی۔

یاسین راکٹ لانچر وہی طاقتور ہتھیار ہے جس نے غزہ کی حالیہ جنگ میں درجنوں اسرائیلی فوجیوں کو ہلاک اور زخمی کیا اور صہیونی بکتر بند گاڑیوں کے لیے ایک بھیانک خواب ثابت ہوا۔

اس تاریخی موقع پر سینکڑوں فلسطینی شہری بھی جمع ہو چکے ہیں، جو قیدیوں کی رہائی کے اس مرحلے کو فلسطینی مزاحمت کی ایک بڑی کامیابی کے طور پر دیکھ رہے ہیں، اطلاعات کے مطابق، اس تقریب کا آغاز آج صبح 10 بجے (مقامی وقت کے مطابق) متوقع ہے۔

علاقے میں موجود فلسطینی مزاحمت کاروں کی اس بڑی تعداد اور جدید ہتھیاروں کی نمائش نے اسرائیل کو ایک واضح پیغام دیا ہے کہ فلسطینی مجاہدین جنگ کے لیے نہ صرف تیار ہیں بلکہ کسی بھی جارحیت کا منہ توڑ جواب دینے کی مکمل صلاحیت رکھتے ہیں۔

مزید پڑھیں: فلسطینی مجاہدین کے ہاتھوں صیہونی جرنیلوں کا منصوبہ ناکام

یہ مظاہرہ ایسے وقت میں کیا جا رہا ہے جب غزہ پر صہیونی حملوں کے باوجود فلسطینی مزاحمت اپنی عسکری صلاحیتوں میں مزید اضافہ کر رہی ہے اور اسرائیلی قبضے کے خلاف اپنی برتری ثابت کر رہی ہے۔