سچ خبریں:صہیونی میڈیا نے تل ابیب کی جانب سے غزہ جنگ بندی مذاکرات میں پیش آنے والی رکاوٹوں کا اعتراف کرتے ہوئے اس بات کا اعلان کیا کہ اس حوالے سے کچھ پیشرفت ہوئی ہے۔
الجزیرہ نیوز چینل کی رپورٹ کے مطابق اسرائیلی حکومت کے میڈیا دفتر نے ایک باخبر ذریعے کے حوالے سے بتایا کہ جنگ بندی کے مذاکرات میں پیشرفت ہوئی ہے۔
یہ بھی پڑھیں: امریکی میڈیا کی نظر میں غزہ جنگ بندی مذاکرات میں ناکامی کی وجہ
تاہم اس وقت ہم اس حد تک نہیں پہنچے کہ ان مذاکرات کے حوالے سے امید کا اظہار کیا جا سکے۔
اس باخبر ذریعے نے کہا کہ حماس جنگ بندی کے لیے جنگ کو روکنے پر زور دے رہی ہے اور جب تک یہ مطالبہ پورا نہیں ہوتا، جنگ بندی ممکن نہیں ہو گی۔
انہوں نے مزید کہا کہ اسرائیلی مقبوضہ علاقوں میں بھی جنگ بندی کے حوالے سے کچھ رکاوٹیں موجود ہیں اور بعض سیاسی پہلوؤں کی وجہ سے اسرائیلی وزرا ان مذاکرات کی مخالفت کر رہے ہیں۔
مزید پڑھیں: غزہ میں جنگ بندی کے بارے میں قاہرہ میں ہونے والے مذاکرات کہاں پہنچے؟
اس ذریعے کا کہنا تھا کہ باوجود اس کے، کچھ اہم معاملات پر حماس کے ساتھ پیشرفت حاصل ہوئی ہے۔
