لبنان پر صہیونی جارحیت کے شہداء اور زخمیوں کے تازہ ترین اعداد و شمار

?️ 21 جون 2026

سچ خبریں:لبنان کی وزارت صحت نے ایک بیان میں اس ملک پر صہیونی حکومت کے حملوں کے نتیجے میں شہداء اور زخمیوں کی نئی تعداد جاری کر دی ہے۔

لبنان کی وزارت صحت نے صہیونی حملوں کے نتیجے میں شہداء اور زخمیوں کے تازہ اعداد و شمار جاری کر دیے ہیں۔ حملوں میں ہزاروں افراد شہید اور زخمی ہوئے جبکہ ایک لبنانی فوجی کی شہادت کی بھی تصدیق کی گئی ہے۔

الجزیرہ نیوز چینل کی رپورٹ کے مطابق، لبنان کی وزارت صحت نے ہفتے کے روز اعلان کیا کہ دو مارچ سے اب تک صہیونی حملوں کے نتیجے میں 4057 افراد شہید ہو چکے ہیں۔

وزارت کے مطابق مذکورہ تاریخ سے اب تک صہیونی حملوں کے باعث 12121 افراد زخمی بھی ہوئے ہیں۔

لبنان کی وزارت صحت کے بیان کے مطابق صرف گزشتہ روز جنوبی اور مشرقی لبنان پر صہیونی حملوں میں 83 افراد شہید جبکہ ایک 141 افراد زخمی ہوئے۔

دوسری جانب لبنانی فوج کی کمان نے فوج کے صوبیدار اول علی ابراہیم کی شہادت کی اطلاع دی ہے۔

لبنانی فوج نے وضاحت کی کہ مذکورہ فوجی گزشتہ روز صہیونی حملے کے دوران قصبہ تولین، مرجعیون میں زخمی ہوئے تھے اور بعد ازاں زخموں کی تاب نہ لاتے ہوئے شہید ہو گئے۔

اس سے قبل جنوبی لبنان کے شہری دفاع کے ادارے نے بھی اعلان کیا تھا کہ صہیونی حملے کے نتیجے میں گاؤں کفررمان میں ایک لبنانی فوجی شہید ہو گیا تھا۔

اسی دوران لبنانی فوج کے کمانڈر نے کہا کہ ملک کے امن و استحکام کا تحفظ ایک قومی ترجیح ہے اور یہ امر صہیونی حکومت کو لبنان کے داخلی امن کو غیر مستحکم کرنے کے اہداف حاصل کرنے سے روکے گا۔