ترکی میں KFC  کا دیوالیہ؛ وجہ؟

سچ خبریں:فلسطینی عوام سے اظہارِ یکجہتی کے لیے جاری عالمی بائیکاٹ تحریک نے ترکی میں بڑی کامیابی حاصل کر لی، جہاں امریکی فاسٹ فوڈ چین KFC کی تمام 537 شاخیں مکمل طور پر بند کر دی گئی

 ہیں، ازبک میڈیا ادارے zamin.uz کے مطابق، KFC ترکی کے فرنچائز ہولڈر ایش‌گیدا (İş Gıda) نے 7.7 بلین ترک لیرز (تقریباً 214 ملین ڈالر) کے قرضوں کے باعث دیوالیہ پن کا اعلان کر دیا ہے۔

یہ بھی پڑھیں:اسلامی ممالک نے کن اسرائیلی برانڈز اور اشیاء کا بائیکاٹ کیا؟

یہ اقدام ایسے وقت میں سامنے آیا ہے جب ترکی میں مغربی اور اسرائیلی حمایت یافتہ برانڈز کے خلاف بائیکاٹ کی تحریک زوروں پر ہے، اور عوام کی طرف سے فلسطین کے مظلوم عوام کے حق میں واضح موقف اپنایا جا رہا ہے۔

KFC، جو 1989 سے ترکی میں سرگرم تھا، اب مکمل طور پر اپنا آپریشن بند کر چکا ہے، جس کے نتیجے میں تقریباً 7 ہزار ملازمین بے روزگار ہو گئے ہیں، اس خبر نے نہ صرف ترکی بلکہ عالمی سطح پر بھی بائیکاٹ مہم کی مؤثریت کو اجاگر کیا ہے۔

مزید پڑھیں:عراق میں اسرائیل کی حمایت کرنے والا امریکی ریستوراں بند

یہ واقعہ ان برانڈز کے لیے سنجیدہ انتباہ ہے جو فلسطین میں اسرائیلی جارحیت کے باوجود خاموشی یا حمایت کا مظاہرہ کرتے ہیں۔ ترکی کے شہریوں نے معاشی دباؤ کو بطور ہتھیار استعمال کرتے ہوئے، مظلوموں کے حق میں عملی قدم اٹھایا ہے۔