میں نے میکرون کی اہلیہ کو قریب سے دیکھا ہے، وہ عورت لگتی ہیں:ٹرمپ

سچ خبریں:ایک امریکی صحافی کی جانب سے میکرون کی اہلیہ کی جنس تبدیلی سے متعلق تحقیقات کے دوران امریکی صدر ڈونلڈ ٹرمپ کا بیان سامنے آیا، ٹرمپ نے کہا کہ وہ بریجیت میکرون کو قریب سے دیکھ چکے ہیں اور وہ ایک عورت ہی نظر آتی ہیں۔

ایک امریکی صحافی کی جانب سے فرانس کے صدر ایمانوئل میکرون کی اہلیہ بریجیت میکرون کی مبینہ جنس تبدیلی کے حوالے سے جاری تحقیقات کے دوران سابق امریکی صدر ڈونلڈ ٹرمپ کا ایک بیان سامنے آیا ہے، جس میں انہوں نے اس موضوع پر اپنی رائے کا اظہار کیا ہے۔

یہ بھی پڑھیں:فرانس کے صدر ایمانوئیل میکرون کو بھرے مجمع میں شرمندگی کا سامنا کرنا پڑگیا

روسی نشریاتی ادارے روسیا الیوم کے مطابق، معروف امریکی صحافی کاندیس اوینز نے اپنے یوٹیوب پروگرام میں انکشاف کیا کہ انہوں نے اس مسئلے پر سابق صدر ڈونلڈ ٹرمپ سے گفتگو کی ہے۔

اوینز کے بقول، ٹرمپ نے ان سے کہا کہ میں نے بریجیت میکرون کو قریب سے دیکھا ہے، وہ عورت ہی لگتی ہیں۔

اوینز ان دنوں ان الزامات پر تحقیقی کام کر رہی ہیں جن میں دعویٰ کیا گیا ہے کہ فرانسیسی خاتونِ اول بریجیت میکرون درحقیقت ماضی میں مرد تھیں اور بعد ازاں جنس تبدیلی کے عمل سے گزریں۔

کاندیس اوینز نے مزید انکشاف کیا کہ ٹرمپ نے انہیں مشورہ دیا کہ وہ اس موضوع پر اپنی تحقیقات کو روک دیں کیونکہ وہ بریجیت کو ذاتی طور پر دیکھ چکے ہیں اور ان کی نظر میں وہ مکمل طور پر خاتون ہیں۔

صحافی نے مزید بتایا کہ انہوں نے ٹرمپ کو یہ سمجھانے کی کوشش کی کہ فرانسیسی صدر کی اہلیہ کے ایک ایسے ڈاکٹر سے روابط ہیں جو جنس تبدیلی کا ماہر ہے۔

مزید پڑھیں:فرانسیسیوں نے میکرون کو بے وقعت اور جھوٹا صدر قرار دیا

اوینز نے یہ بھی بتایا کہ انہوں نے جنوری میں وعدہ کیا تھا کہ وہ اس معاملے سے متعلق شواہد عام کریں گی، تاہم انہیں اس کے بعد میکرون خاندان کے وکلاء کی جانب سے قانونی کارروائی کا سامنا کرنا پڑا ہے۔