صہیونی فوج کا شام کی ایک دیہی بستی اور اسکول پر حملہ 

سچ خبریں:قابض صہیونی افواج نے شام کے جنوبی علاقے قنیطرہ کے نواحی گاؤں القحطانیہ پر دھاوا بولتے ہوئے نہ صرف عام شہریوں کے گھروں میں زبردستی داخل ہو کر تلاشی لی، بلکہ ایک مقامی اسکول پر بھی حملہ کر کے بچوں اور عملے میں شدید خوف و ہراس پھیلا دیا۔

یہ بھی پڑھیں:شامی فوج کا صیہونی جارحیت کے خلاف دفاع

روسی خبر رساں ادارے اسپوٹنک کی رپورٹ کے مطابق، یہ واقعہ ایسے وقت میں پیش آیا ہے جب گزشتہ چند روز کے دوران قنیطرہ کے دیگر دیہی علاقوں، بشمول الاصبح اور العشه، میں بھی صہیونی افواج کی نقل و حرکت میں نمایاں اضافہ دیکھا گیا ہے۔

عینی شاہدین اور مقامی ذرائع کے مطابق، قابض اسرائیلی افواج سات فوجی گاڑیوں کے ساتھ القحطانیہ گاؤں میں داخل ہوئیں اور گھروں کی تلاشی لینے لگیں۔

 اسی دوران انہوں نے ایک اسکول پر بھی دھاوا بول دیا، جس سے طلبہ اور اساتذہ میں بھگدڑ مچ گئی اور تعلیمی سرگرمیاں شدید متاثر ہوئیں۔

صہیونی افواج کی یہ کارروائی شام کے خلاف ان کے جاری تجاوزات کا تسلسل ہے، جو خطے میں کشیدگی کو مزید بڑھا رہی ہے۔ قنیطرہ، جو جولان کے مقبوضہ علاقے کے قریب واقع ہے، طویل عرصے سے اسرائیلی افواج کی جارحیت کا نشانہ بنتا آ رہا ہے۔

مزید پڑھیں:صیہونی فوج کی شام کی سرحدوں کے قریب نقل و حرکت کے بارے میں متضاد دعوے

یہ حملے نہ صرف بین الاقوامی قوانین بلکہ شامی خودمختاری کی بھی کھلی خلاف ورزی ہیں، جن پر شامی حکومت اور انسانی حقوق کے ادارے بارہا توجہ دلا چکے ہیں۔