غزہ میں پناہ گزینوں کے خیموں پر صیہونی فضائی حملہ

?️ 31 مئی 2026

سچ خبریں:غزہ میں واقع جبالیا کیمپ کے پناہ گزین خیمے صیہونی فضائی حملوں کا نشانہ بنے جس کے نتیجہ میں متعدد افراد زخمی ہو گئے۔

غزہ میں صیہونی فضائی حملوں میں جبالیا کیمپ کے پناہ گزین خیمے نشانہ بنے، متعدد افراد زخمی ہو گئے جبکہ شدید انسانی بحران کے باعث شہداء الاقصیٰ اسپتال بجلی کی بندش کے خطرے سے دوچار ہو گیا ہے۔

صہیونی حکومت کے جنگی طیاروں نے غزہ کی پٹی میں فلسطینی پناہ گزینوں کے خیموں کو ایک بار پھر نشانہ بنایا ہے جبکہ علاقے میں انسانی صورتحال مزید سنگین ہو گئی ہے اور شہداء الاقصیٰ اسپتال بند ہونے کے خطرے سے دوچار ہے۔

الجزیرہ نیوز چینل کی رپورٹ کے مطابق کے مطابق صہیونی حکومت کے جنگی طیاروں نے چند لمحے قبل غزہ کی پٹی کے شمال میں واقع جبالیا کیمپ میں فلسطینی پناہ گزینوں کے خیموں کو نشانہ بنایا۔

اس وحشیانہ حملے کے نتیجے میں متعدد فلسطینی پناہ گزین زخمی ہو گئے۔

اس کے علاوہ صہیونی فوج کی جانب سے غزہ کی پٹی کے وسط میں واقع البریج کیمپ کے شمال مشرقی علاقوں پر بھی حملے دوبارہ شروع کر دیے گئے ہیں۔

دوسری جانب غزہ میں انسانی صورتحال کی شدید خرابی کے باعث شہداء الاقصیٰ اسپتال کے ڈائریکٹر نے اعلان کیا ہے کہ بجلی منقطع ہونے کی وجہ سے اس اسپتال کے بند ہونے کے لیے الٹی گنتی شروع ہو چکی ہے۔