جنوبی لبنان کے علاقے تفاحتا پر صیہونی فضائی حملہ، جنگ بندی کی خلاف ورزیاں جاری

?️ 14 مئی 2026

سچ خبریں:صیہونی  نے جنوبی لبنان کے شہر تفاحتا پر فضائی حملہ کیا، جبکہ لبنان کی وزارت صحت کے مطابق جنوبی علاقوں پر حملوں میں متعدد افراد شہید اور زخمی ہوئے ہیں۔

جنگ بندی کی خلاف ورزی کرتے ہوئے صیہونی فوج نے جنوبی لبنان کے علاقے تفاحتا پر فضائی حملہ کیا ہے۔

الجزیرہ نیوز چیل کی رپورٹ کے مطابق صیہونی فوج نے جنوبی لبنان کے شہر تفاحتا کو فضائی حملوں کا نشانہ بنایا۔

اس وحشیانہ حملے میں شہید اور زخمی ہونے والوں کی تعداد کے حوالے سے تاحال مزید تفصیلات جاری نہیں کی گئیں۔

دوسری جانب لبنان کی وزارت صحت نے بدھ کے روز جنوبی لبنان پر صیہونی حملوں سے متعلق اپنی رپورٹ میں اعلان کیا کہ جنوبی علاقوں کی بستیوں پر ہونے والے حملوں میں 10 افراد شہید جبکہ 27 دیگر زخمی ہوئے ہیں۔

وزارت صحت کے مطابق جنوبی لبنان کے قصبے عربصالیم پر صیہونی حملے میں بھی 5 افراد شہید اور 7 دیگر زخمی ہوئے۔

لبنان کی وزارت صحت نے بدھ کے روز اعلان کیا کہ 2 مارچ 2026 سے لبنان پر صیہونی حملوں میں شہید ہونے والوں کی تعداد 2 ہزار 896 تک پہنچ چکی ہے۔

وزارت نے مزید بتایا کہ صیہونی حملوں میں زخمی ہونے والوں کی تعداد 8 ہزار 824 ہو گئی ہے۔

واضح رہے کہ صیہونی فوج نے 2 مارچ 2026 سے لبنان کے مختلف علاقوں پر اپنے حملوں میں شدت پیدا کر دی ہے۔ دوسری جانب حزب اللہ لبنان بھی ملک اور عوام کے دفاع میں صیہونی حملوں کے جواب میں اس  کے ٹھکانوں کو نشانہ بنا رہی ہے۔