اسرائیل، امریکہ اور برطانیہ جواب کے لیے تیار رہیں؛یمن کا واضح پیغام 

اسرائیل، امریکہ اور برطانیہ جواب کے لیے تیار رہیں؛یمن کا واضح پیغام 

?️

سچ خبریں:یمن کی انصار اللہ تحریک کے سیاسی دفتر کے سینئر رکن محمد البخیتی نے کہا ہے کہ اسرائیل، امریکہ اور برطانیہ کو یمن کے جوابی ردعمل کے لیے تیار رہنا چاہیے، کیونکہ ان کے حملے یمن کے عزم کو متزلزل نہیں کر سکتے۔

المیادین نیوز چینل کی رپورٹ کے مطابق  یمن کی انصار اللہ تحریک کے سیاسی دفتر کے سینئر رکن محمد البخیتی نے اسرائیل اور امریکہ کی جانب سے یمن پر حالیہ فضائی حملوں کو ان کی شکست اور مایوسی کی علامت قرار دیا۔
انہوں نے کہا کہ ہم صاف الفاظ میں کہتے ہیں یمن کی غزہ کے ساتھ عسکری حمایت ہر صورت جاری رہے گی، چاہے اس کی کتنی ہی قیمت کیوں نہ ادا کرنی پڑے۔
انہوں نے واضح کیا کہ امریکہ، برطانیہ اور اسرائیل مسلسل غیر فوجی اہداف کو نشانہ بنا رہے ہیں، اور دنیا جانتی ہے کہ ان کا اصل ہدف معصوم شہری ہیں۔
البخیتی نے اسرائیل کو خبردار کرتے ہوئے کہا کہ صیہونیوں نے سرخ لکیر عبور کر لی ہے، اور اسے یمن کے سخت ردعمل کا سامنا کرنا ہوگا۔
انہوں نے زور دیا کہ اسرائیل یمن سے لبنان تک نئی جنگی حکمت عملی تھوپنے کی کوشش کر رہا ہے، لیکن یمن ایسی کسی حکمت عملی کو قبول نہیں کرے گا۔
مزید وضاحت کرتے ہوئے انہوں نے کہا کہ یمن کی غزہ کی حمایت کو ایران سے جوڑنے کی کوشش ایک گمراہ کن پراپیگنڈہ ہے ، ہماری عسکری کارروائیاں صرف اور صرف فلسطینی مزاحمتی تحریکوں  حماس اور اسلامی جہاد  کے ساتھ کوآرڈی نیشن میں ہیں۔
انہوں نے بتایا کہ یمن امریکہ، برطانیہ اور اسرائیل کے تمام ممکنہ فوجی سیناریوز سے نمٹنے کے لیے مکمل طور پر تیار ہے۔
البخیتی نے آخر میں انکشاف کیا کہ حالیہ حملے میں تل ابیب پر داغا گیا یمنی میزائل چار پرتوں پر مشتمل اسرائیلی دفاعی نظام کو چیرتے ہوئے اپنے ہدف تک پہنچا اور اس کی تباہ کن قوت نے صہیونی فوج کو حیران کر دیا۔
 ہم ہرگز اسرائیل کو اجازت نہیں دیں گے کہ وہ جنگی اصول خود طے کرے یا خطے کی تصویر اپنی مرضی سے بدلے۔ دشمن کی جانب سے اٹھایا جانے والا ہر قدم، خود ان کے لیے زیادہ نقصان دہ ہوگا۔

مشہور خبریں۔

ہم دنیا کے تمام ممالک کے ساتھ سفارتی تعلقات چاہتے ہیں:طالبان رہنما

?️ 9 جولائی 2022سچ خبریں:طالبان رہنما نے عید الاضحی کے موقع پر اپنے ایک پیغام

مسجد اقصیٰ کو آگ لگانے کی 51 ویں سالگرہ، حماس نے فلسطینی قوم سے اہم اپیل کردی

?️ 20 اگست 2021مقبوضہ بیت المقدس (سچ خبریں) 21 اگست سنہ 1969 تاریخ اسلام کا

حکومت نے ٹی ٹی پی کے دوبارہ سر اٹھانے کی وجہ عمران خان کو ٹھہرا دیا

?️ 26 دسمبر 2022اسلام آباد:(سچ خبریں) وفاقی وزیر برائے اقتصادی امور ایاز صادق نے سابق

کچھ لیک ہونے والی امریکی خفیہ دستاویزات کے بارے میں

?️ 16 اپریل 2023سچ خبریں:امریکی محکمہ دفاع کے ترجمان کا کہنا ہے کہ لیک ہونے

نابلس کا محاصرہ فلسطینی قوم کے خلاف ہمہ گیر جنگ کا اعلان ہے:فلسطینی اتھارٹی

?️ 20 اکتوبر 2022سچ خبریںفلسطینی اتھارٹی کے سرکاری ترجمان نے کہا کہ نابلس کا محاصرہ،

پاکستان امریکہ کی ایک ریاست ہے یا خودمختار ملک؟؛ رضا ربانی کی زبانی

?️ 29 جون 2024سچ خبریں: سابق چیئرمین سینیٹ میاں رضا ربانی نے امریکی کانگریس کی

گولڈمین ساکس کی تیل کی قیمتوں میں 100 ڈالر تک اضافے کی پیش گوئی

?️ 18 دسمبر 2021سچ خبریں:گولڈمین ساکس نے پیش گوئی کی ہے کہ 2023 میں خام

اسرائیل ہمیشہ غزہ اور مغربی کنارے کے درمیان جدائی کی تلاش میں کیوں رہتا ہے؟

?️ 15 اکتوبر 2023سچ خبریں:سنہ 2005 میں فلسطینی مزاحمت کاروں کے ہاتھوں اس کی آزادی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے