جنگ بندی کی توسیع کے چند گھنٹے بعد اسرائیل کا جنوبی لبنان پر حملہ، 6 افراد شہید

?️ 16 مئی 2026

سچ خبریں:امریکی اعلان کے مطابق جنگ بندی میں توسیع کے چند گھنٹے بعد اسرائیل نے جنوبی لبنان میں ایک طبی مرکز پر حملہ کیا جس کے نتیجے میں کم از کم 6 افراد شہید اور 22 زخمی ہو گئے۔

جنگ بندی کی توسیع کے صرف چند گھنٹے بعد اسرائیل نے جنوبی لبنان پر حملہ کر دیا جس کے نتیجے میں متعدد افراد شہید اور زخمی ہو گئے۔

المیادین کے مطابق گزشتہ شب امریکہ نے دعویٰ کیا تھا کہ لبنان اور اسرائیل کے درمیان جنگ بندی میں مزید 45 دن کی توسیع کر دی گئی ہے، تاہم اس اعلان کے چند گھنٹے بعد ہی صہیونی فوج نے جنوبی لبنان کے علاقے حاروف میں ایک طبی مرکز کو نشانہ بنایا۔

لبنان کی وزارت صحت کے مطابق اس حملے کے نتیجے میں کم از کم 6 افراد شہید ہو گئے۔

رپورٹ کے مطابق شہداء میں تین امدادی کارکن بھی شامل ہیں جبکہ اس حملے میں 22 دیگر افراد زخمی ہوئے ہیں۔

ادھر لبنان کی وزارت صحت نے جمعہ کے روز جاری بیان میں بتایا کہ 2 مارچ سے اب تک صیہونی حملوں کے نتیجے میں ملک میں شہداء کی تعداد بڑھ کر 2 ہزار 951 ہو چکی ہے۔

بیان کے مطابق اسی عرصے کے دوران صیہونی حملوں میں مجموعی طور پر 8 ہزار 988 افراد زخمی ہوئے ہیں۔