اسرائیل کی ایران کے خلاف چین سے مدد کی اپیل 

سچ خبریں:ایران کے خلاف 12 روزہ جنگ میں بھاری نقصان اٹھانے کے بعد اسرائیل نے اب چین سے مدد مانگ لی ہے، اسرائیلی قونصل خانے کا دعویٰ ہے کہ صرف چین ہی ایران پر اثر ڈال سکتا ہے، خاص طور پر ایرانی تیل کی خریداری روکنے کے ذریعے۔

ایران کے ساتھ حالیہ 12 روزہ جنگ میں بھاری شکست اور شدید نقصان کے بعد اسرائیل نے اپنی حکمت عملی میں بڑی تبدیلی کرتے ہوئے اب چین کا دروازہ کھٹکھٹایا ہے۔ صہیونی حکام کی کوشش ہے کہ چین کے سیاسی و اقتصادی اثر و رسوخ کو ایران پر دباؤ کے لیے استعمال کیا جائے۔

یہ بھی پڑھیں:اسرائیل نے علاقائی امن و استحکام کو نقصان پہنچایا، پیچھے بیٹھ کر نہیں دیکھ سکتے، چینی وزیرخارجہ

الجزیرہ نیوز چینل نے بلومبرگ کے حوالے سے رپورٹ دی ہے کہ اسرائیل چین پر زور دے رہا ہے کہ وہ ایران کی اقتصادی سرگرمیوں، بالخصوص تیل کی فروخت کو محدود کرے تاکہ ایران کو کمزور کیا جا سکے۔

اسرائیلی قونصل خانے نے شنگھائی سے بیان جاری کیا ہے جس میں کہا گیا ہےکہ چین واحد ملک ہے جو ایران پر اثر ڈال سکتا ہے۔

صہیونی حکام کا مؤقف ہے کہ اگر چین ایرانی تیل کی خرید بند کر دے تو ایران کو شدید اقتصادی مشکلات کا سامنا ہو گا۔

یہ بیان ایک ایسے وقت میں سامنے آیا ہے جب اسرائیل، ایران پر حملے کے دوران سنگین نقصانات سے دوچار ہوا۔ صرف ایک مثال میں، صہیونی تحقیقی ادارے وائزمین انسٹی ٹیوٹ کے سربراہ نے اعتراف کیا ہے کہ ایران کے میزائل حملوں سے ہونے والی تباہی کا تخمینہ 2 ارب شیکل (اسرائیلی کرنسی) لگایا گیا ہے۔

اس جنگ میں اسرائیلی داخلی محاذ کو شدید چوٹ پہنچی، اور پے در پے میزائل حملوں نے فوجی و سائنسی تنصیبات کو نشانہ بنایا، جس سے اسرائیل کو اپنے علاقائی و عالمی اتحادیوں کے درمیان دفاعی کمزوری کا سامنا ہے۔

مزید پڑھیں:ایران اسرائیل جنگ کا عالمی منظرنامہ؛ چین، روس اور مغرب کا مختلف مؤقف

اب، تل ابیب کی امیدیں چین کی ثالثی یا دباؤ سے وابستہ ہیں تاکہ ایران کو عالمی سطح پر تنہا کیا جا سکے، خاص طور پر توانائی کے شعبے میں۔