پابندیوں کے باوجود مسجد الاقصی میں 1 لاکھ فلسطینی نمازیوں کی شرکت

?️ 21 فروری 2026

سچ خبریں:صیہونی پابندیوں کے باوجود 100 ہزار فلسطینی نمازیوں نے مسجد الاقصی میں نماز عشاء اور تراویح ادا کی،اسلامی اوقاف القدس نے نمازیوں کی بڑی تعداد کی تصدیق کی جبکہ صیہونی اقدامات پر تشویش کا اظہار کیا گیا۔

معا نیوز ایجنسی کی رپورٹ کے مطابق صیہونی پابندیوں کے باوجود گزشتہ شب ایک لاکھ فلسطینی نمازیوں نے مسجد الاقصی میں نماز عشاء اور نماز تراویح ادا کی۔

یہ بھی پڑھیں:غزہ کے ویرانوں میں عید کی نماز

رپورٹ کے مطابق، القدس میں اسلامی اوقاف کے ادارے نے اعلان کیا کہ گزشتہ شب 100 ہزار فلسطینی نمازی مسجد الاقصی میں نماز عشاء اور تراویح کی ادائیگی کے لیے جمع ہوئے۔

رپورٹ کے مطابق مسجد الاقصی میں فلسطینیوں کی یہ بڑی تعداد ایسے وقت میں سامنے آئی ہے جب صیہونی حکام نے رواں سال اس مقدس مقام پر نمازیوں کی آمد پر سخت پابندیاں عائد کر رکھی ہیں۔

صیہونی فورسز نے مغربی کنارے کے رہائشیوں کو مسجد الاقصی آنے سے روک دیا اور ہزاروں فلسطینیوں کو مقبوضہ القدس کے شمال میں واقع قلندیا چیک پوائنٹ سے واپس جانے پر مجبور کیا۔

مسجد الاقصی کے خطیب عکرمہ صبری نے الجزیرہ سے گفتگو کرتے ہوئے کہا کہ صیہونی حکام نے تقریباً ایک ماہ قبل ہی ماہ رمضان کے دوران نمازیوں پر پابندیاں عائد کرنے کی منصوبہ بندی شروع کر دی تھی۔

انہوں نے کہا کہ صیہونی فورسز سیکیورٹی وجوہات کو جواز بنا کر مسجد الاقصی میں مسلمانوں کی بڑی تعداد کی موجودگی کو محدود کرنا چاہتی ہیں اور ان اقدامات کا مقصد القدس شہر اور مسجد الاقصی میں مسلمانوں کی تعداد کو کم کرنا ہے۔

مزید پڑھیں: مسجد اقصیٰ میں عیدالاضحی کی نماز میں ایک لاکھ فلسطینیوں کی شرکت

خطیب مسجد الاقصی نے مزید کہا کہ رواں سال عائد کی گئی پابندیاں گزشتہ برسوں کے مقابلے میں زیادہ سخت اور کشیدگی کا باعث ہیں۔