کیا لبنان اسرائیل کے ساتھ تعلقات بحال کرنے والا ہے؟ لبنانی وزیرِاعظم کی زبانی 

سچ خبریں:لبنان کے وزیرِاعظم نواف سلام نے واضح طور پر کہا ہے کہ لبنان کی عوام اور تمام سیاسی دھڑے صہیونی ریاست اسرائیل کے ساتھ تعلقات کی بحالی کو مسترد کرتے ہیں، اور یہ مسئلہ قومی وحدت کا حصہ ہے۔

یہ بھی پڑھیں: لبنان کے ساتھ معاہدے میں فتح کے آثار نظر نہیں آتے: اسرائیل

روسی خبررساں ایجنسی اسپوٹنک کی رپورٹ کے مطابق لبنان کے وزیرِاعظم نواف سلام بدھ کے روز اپنے ایک بیان میں نے کہا کہ لبنان میں کوئی بھی فرد یا گروہ اسرائیل کے ساتھ تعلقات معمول پر لانے کا حامی نہیں ہے، اور یہ مؤقف پوری قوم کا متفقہ نظریہ ہے۔

انہوں نے زور دیا کہ اسرائیل کی جانب سے غزہ اور مغربی کنارے میں جاری حملوں کو روکنے کے لیے عالمی اور عرب ممالک کی کوششیں ناکام ہو چکی ہیں۔ صہیونی ریاست پر دباؤ ڈالنے کی تمام بین الاقوامی کوششیں اب تک بے اثر ثابت ہوئی ہیں۔

نواف سلام نے اس جانب بھی اشارہ کیا کہ اسرائیل جن پانچ متنازعہ علاقوں پر قبضہ جاری رکھنا چاہتا ہے، وہ نہ تو عسکری اور نہ ہی سکیورٹی اعتبار سے کوئی خاص اہمیت رکھتے ہیں۔

مزید پڑھیں: لبنان کے ساتھ سرحدی تنازع میں اسرائیل کے نئے رویے کا کیا مطلب ہے؟

انہوں نے عالمی برادری اور عرب ممالک سے مطالبہ کیا کہ وہ غزہ اور مغربی کنارے کے خلاف صہیونی منصوبوں کا سنجیدگی سے مقابلہ کریں اور فلسطینی عوام کے دفاع میں مؤثر اقدامات اٹھائیں۔