ایران کا امریکہ کی جنگ بندی کی خلاف ورزی کا جواب

?️ 27 جون 2026

سچ خبریں:ایران نے امریکہ کی جانب سے مبینہ جارحیت اور معاہدوں کی خلاف ورزی کے جواب میں خطے میں امریکی فوج کے اڈوں کو نشانہ بنایا ہے۔

سپاہ پاسداران انقلاب اسلامی کی بحریہ کے مطابق امریکہ کی مبینہ خلاف ورزی اور فضائی حملے کے جواب میں خطے میں امریکی فوجی ٹھکانوں کو نشانہ بنایا گیا، جبکہ آبنائے ہرمز سے متعلق معاہداتی پابندیوں کے تناظر میں سخت ردعمل کی دھمکی بھی دی گئی ہے۔

سپاہ پاسداران انقلاب اسلامی کے تعلقات عامہ کے مطابق، امریکہ کی جانب سے مبینہ جارحیت اور معاہدوں کی خلاف ورزی کے جواب میں سپاہ پاسداران بحریہ نے خطے میں امریکی فوج کے اڈوں کو نشانہ بنایا ہے۔

بیان میں کہا گیا ہے کہ صہیونی حکومت کی جانب سے جنوبی لبنان میں جنگ بندی کی خلاف ورزی کے بعد امریکہ نے بھی حسب روایت اپنی ذمہ داریوں اور وعدوں کی خلاف ورزی کی اور آبنائے ہرمز میں غیر مجاز راستے سے گزرنے والے ایک مشتبہ جہاز کو روکنے کے بہانے اسلامی جمہوریہ ایران کے ساحلی علاقوں پر فضائی حملہ کیا۔

سپاہ پاسداران بحریہ کے مطابق اس جارحیت کے جواب میں خطے میں موجود امریکی فوجی اڈوں اور استقرار کے مراکز کو نشانہ بنایا گیا۔

بیان میں مزید کہا گیا ہے کہ اسلام آباد معاہدے کی شق پانچ کے مطابق آبنائے ہرمز میں آمد و رفت کے کنٹرول کے قواعد اسلامی جمہوریہ ایران کے ساتھ طے شدہ ہیں، تاہم امریکہ مختلف فریقوں کو اکسا کر اس معاہدے کی خلاف ورزی کی کوشش کر رہا تھا جس کا مناسب جواب دیا گیا ہے۔

سپاہ پاسداران نے خبردار کیا ہے کہ آئندہ ایسی کسی بھی جارحیت کی صورت میں جواب اس سے کہیں زیادہ وسیع اور سخت ہوگا۔