ایرانی میزائل حملوں نے اسرائیل کو بھاری نقصان پہنچایا؛صیہونی بحریہ کے سابق کمانڈر کا اعتراف

?️ 13 جون 2026

سچ خبریں:صیہونی بحریہ کے سابق کمانڈر نے اعتراف کیا ہے کہ ایران کے میزائل حملوں نے بھی صہیونی حکومت کو بھاری نقصانات سے دوچار کیا ہے۔

صیہونی بحریہ کے سابق کمانڈر ایلیعزر ماروم نے اعتراف کیا ہے کہ محدود ایرانی میزائل حملوں نے بھی اسرائیل کو بھاری مالی اور عسکری نقصان پہنچایا۔ انہوں نے کہا کہ فوجی سنسرشپ کے باعث نقصانات کی مکمل حقیقت عوام کے سامنے نہیں آتی۔

صیہونی بحریہ کے سابق کمانڈر اور ریزرو میجر جنرل ایلیعزر ماروم نے ایرانی میزائلوں کی صلاحیتوں اور ان سے پیدا ہونے والے خطرات کا ذکر کرتے ہوئے مقبوضہ علاقوں میں ہونے والے بڑے پیمانے پر نقصانات کا اعتراف کیا ہے۔

ماروم نے صہیونی اخبار معاریو کو دیے گئے ایک انٹرویو میں کہا کہ ہم نے دیکھا کہ ایرانی میزائلوں کے محدود حملے بھی کس قدر تباہی مچا سکتے ہیں۔

یہاں اسرائیل میں ہونے والے نقصانات کا حجم بہت بڑا ہے، انتہائی بڑا۔ ان نقصانات کا ایک بڑا حصہ ایسا ہے جس کے بارے میں ہم فوجی سنسرشپ کی وجہ سے نہ دیکھ پاتے ہیں اور نہ ہی اس کی تفصیلات سے آگاہ ہوتے ہیں۔

انہوں نے خبردار کیا کہ ایرانی بڑی رفتار اور وسیع پیداواری صلاحیت کے ساتھ بیلسٹک میزائل تیار کر رہے ہیں اور اس شعبے میں ان کی صلاحیتیں مسلسل بڑھ رہی ہیں۔

صہیونی فوج کے اس سابق اعلیٰ عہدیدار کا یہ اعتراف ایسے وقت سامنے آیا ہے جب چند روز قبل ایران نے جنوبی بیروت کے علاقے الضاحیہ پر صہیونی حملوں کے جواب میں کارروائی کرتے ہوئے شمالی فلسطینِ مقبوضہ میں متعدد حساس مراکز اور اڈوں کو نشانہ بنایا تھا۔

ایران نے حالیہ کشیدگی کے مختلف مراحل میں، جو صہیونی حکومت کی جارحیتوں اور مزاحمتی محاذ کے خلاف اقدامات کے ردعمل میں سامنے آئے، اسرائیل کو نمایاں نقصانات پہنچائے ہیں۔

رپورٹ کے مطابق صہیونی حکومت اپنی اندرونی صورتحال اور عوامی حوصلے کو برقرار رکھنے کے لیے نقصانات کی حقیقی تفصیلات کو منظر عام پر آنے سے روکنے کی کوشش کرتی ہے اور فوجی سنسرشپ کے ذریعے ان معلومات کو محدود رکھتی ہے۔