ایران اور امریکہ ایک جامع معاہدے کے قریب؛ سی این این کا دعویٰ

?️ 31 مئی 2025

سچ خبریں:سی این این کے مطابق، ایران اور امریکہ اگلے دور کی بات چیت میں ایک جامع معاہدے پر دستخط کے قریب ہیں،مذاکرات کا امکان مشرق وسطیٰ میں ہے۔

امریکی نشریاتی ادارے سی این این نے باخبر ذرائع کے حوالے سے دعویٰ کیا ہے کہ ایران اور امریکہ ایک جامع معاہدے کے قریب پہنچ چکے ہیں اور یہ معاہدہ آئندہ مذاکراتی دور میں طے پا سکتا ہے۔

یہ بھی پڑھیں:ایران نے امریکہ کو بالواسطہ مذاکرات کی تجویز کیوں دی؟

رپورٹ میں بتایا گیا ہے کہ آئندہ مذاکرات غالباً مشرق وسطیٰ کے کسی مقام پر ہوں گے، تاہم ذرائع نے معاہدے کی تفصیلات یا شرائط بیان نہیں کیں۔

یہ صورتحال ایسے وقت پر سامنے آئی ہے جب ایران اور امریکہ کے درمیان اختلافات خصوصاً جوہری پروگرام اور پابندیوں کے معاملے پر مذاکراتی سرگرمیاں حالیہ ہفتوں میں تیز ہو گئی ہیں۔

خیال رہے کہ ایران اور امریکہ کے درمیان پانچواں غیر مستقیم مذاکراتی دور 2 خرداد کو اٹلی کے دارالحکومت روم میں ہوا، جس کی میزبانی سلطنت عمان نے کی۔

اس مذاکراتی دور میں ایرانی وفد کی قیادت وزیر خارجہ سید عباس عراقچی نے کی، جبکہ ان کے ہمراہ سیاسی معاون مجید تخت روانچی، قانونی معاون کاظم غریب‌آبادی اور وزارت خارجہ کے ترجمان اسماعیل بقایی بھی شامل تھے۔

مزید پڑھیں:ایران امریکہ مذاکرات؛ 4 چیزوں پر ٹرمپ کا اتفاق

امریکی وفد کی قیادت واشنگٹن کے سینئر مذاکرات کار اسٹیو وِٹکاف نے کی،مذاکرات کا انعقاد روم میں عمانی سفیر کی رہائش گاہ پر ہوا، جو اس بات کی علامت ہے کہ عمان اس امن عمل میں ایک کلیدی ثالثی کردار ادا کر رہا ہے۔