یوکرین جنگ کے خاتمے سے متعلق یوکرینی صدر کا اہم بیان

?️ 13 دسمبر 2025

سچ خبریں:یوکرین کے صدر ولودیمیر زلنسکی نے اعلان کیا ہے کہ جنگ کے خاتمے سے متعلق معاملات طے کرنے کے لیے 20 نکاتی بنیادی دستاویز کو حتمی شکل دی جا رہی ہے، جسے جلد امریکہ کے حوالے کیا جائے گا۔

الجزیرہ نیوز چینل کی رپورٹ کے مطابق یوکرین کے صدر نے اعلان کیا ہے کہ ہم جنگ کے خاتمے سے متعلق متغیرات پر مبنی 20 نکاتی ایک دستاویز کو حتمی شکل دینے کے مرحلے میں ہیں۔

یہ بھی پڑھیں:یوکرین جنگ کے خاتمے کے لیے امریکہ خفیہ طور پر روس سے مشاورت کر رہا ہے

رپورٹ کے مطابق یوکرین کے صدر ولودیمیر زلنسکی نے بتایا کہ امن منصوبے، جنگ کے بعد تعمیرِ نو اور اقتصادی ترقی کے موضوعات پر امریکہ اور یوکرین کے درمیان مذاکرات ہو رہے ہیں۔

یوکرین کے صدر نے مزید کہا کہ ہم ایک بنیادی دستاویز کے 20 نکات کو حتمی صورت دے رہے ہیں، جو جنگ کے خاتمے سے متعلق مختلف متغیرات کی وضاحت کر سکتی ہے۔ ہمیں توقع ہے کہ صدر ٹرمپ کی ٹیم اور اپنے یورپی شراکت داروں کے ساتھ مشترکہ تعاون کے بعد اس دستاویز کو جلد امریکہ کے حوالے کر دیا جائے گا۔

مزید پڑھیں:ٹرمپ نے یوکرین جنگ کے خاتمے کے لیے 28 نکاتی منصوبے کی منظوری دے دی

ولودیمیر زلنسکی نے مزید کہا کہ یہ ہفتہ ہم سب کے لیے اچھی خبروں کا حامل ثابت ہو سکتا ہے اور خونریزیوں کے خاتمے کا سبب بن سکتا ہے۔